web counter
LEXO PA REKLAMA!

SHKARKO APP

App Store
Google Play

E fundit!

x

Anëtarësimi i Shqipërisë në KS/ Rama: Është sukses i madh, mirënjohje për diplomacinë

6 Korrik 2021, 18:11, Politikë CNA

Shqipëria u zgjodh për herë të parë anëtare e Këshillit të Sigurimit të OKB me një mandat dy vjeçar.

Për të festuar këtë arritje, këtë mbrëmje kryeministri Edi Rama ka mbajtur një fajlim në Pallatin  e Brigadave ku ka shprehur mirënjohjen e tij për diplomatët dhe të gjithë ata që kontribuan në këtë arritje të madhe.

Megjithatë Rama thekson se ka ende punë dhe sfida për tu realizuar dhe se Shqipëria duhet të punojë më shumë për veten.

??Është një sukses i madh, më i madhi në historinë e diplomacisë shqiptare dhe një arsye për të kuptuar se pavarësisht përmasave modeste të vendit tonë, Shqipëria mund dhe duhet të bëjë më shumë për veten dhe të tjerët, sidomos për rajonin tonë. Kjo arritje është e rëndësishme edhe për Ballkanin Perëndimor.

Pas kryesimit të OSBE-së, ku për hir të së vërtetës lamë një përshtypje shumë të mirë, them se ulja jonë në KS, rikonfirmon një standard të ri maturie dhe respekti ndërkombëtar për Shqipërinë. Do të doja të falënderoja të gjitha vendet që e mbështetën vendin tonë në këtë stacion ku asgjë nuk ishte e sigurt, ku punuan dhe besuan dhe arritën ta paraqesin bukur përpara Kombeve të Bashkuara diplomatë që i falendorj me respekt.

Ky është një mësim inkurajues për të guxuar më shumë, për të besuar e punuar më shumë, që Shqipëria të bëhet më shpejt, ajo që me siguri do të bëhet një ditë. Afrimi i asaj dite është sfida dhe angazhimi ynë. Unë, së bashku me shumicën e zgjedhur, do ta jetojmë këtë sfidë si arsyen kryesore për t?u zgjuar më herët dhe për të fjetur më vonë, për t?u angazhuar më shumë, për të guxuar, besuar e punuar me të gjitha fuqitë tona, që kjo dekadë të bëhet dekada e ngjitjes, ku dielli të shkëlqejë për të gjithë shqiptarët?, është shprehur Edi Rama./ CNA.al 





Lajmet e fundit nga