web counter
LEXO PA REKLAMA!

SHKARKO APP

App Store
Google Play

"Nuk do të mbaja më mikrofon në dorë"/ Elhaida Dani tregon për dështimin e saj të parë

3 Korrik 2021, 19:21, Lifestyle CNA

Këngëtarja Elhaida Dani ka rrëfyer eksperiencën e saj të parë si këngëtare. Ajo tregoi se kur ishte vetëm 15 vjeç vendosi të merrte pjesë tek “Ethet e së Premtes” por u eliminua në raundin e dytë. Këtë eksperiencë ajo e quan si një dështim dhe në ato momente vendosi të mos mbante më mikrofon në duar.

E ftuar në emisionin “Soiree”, Elhaida tregon se ishte i ati, ai që e kishte shtyrë dhe mbështetur në rriugëtimin e saj.

Më pas ajo mori pjesë në Star Akademi ku u shpall fituese.

?Ishte një dështim total për mua si Elhaida, sepse ishte hera e parë që them që nuk jam vetëm vajza që i bie pianos, klasike në shkollë, por jam edhe ajo këngëtarja.

U eliminova raundin e dytë. Këtë gjë nuk e tregoj shpesh, por ja do ta tregoj sot. Ndodhi që kishte këngëtarë shumë të mirë. Atë vit konkurronin Xhensila Myrtezaj, Kejsi Tola, Dorina Garuci.

Kishte disa emra vërtet shumë të mirë që këndonin me vite, goca skene. Unë sapo kisha filluar, ngjitesha në skenë për herë të parë dhe këndoja e ndrojtur dhe u eliminova në radhën e dytë të raundeve.

Thash ?ok? e provova, nuk është gjëja ime, kurrë më në jetën time s?do kap një mikrofon në dorë. E kam bërë atë rrugën nga Tirana deri në Shkodër duke qarë dhe tani më mbushen sytë me lot, se babit i dhimbje zemra dhe nuk dinte çfarë të më thoshte. Babi dhe mami më qëndruan afër?, është shprehur ajo./ CNA.al





Lajmet e fundit nga