E fundit!

19:46 Aktualitet

VIDEO-Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

‘Jam bërë si Nënë Tereza’/ Përpjekjet e logopedit për fëmijët me aftësi ndryshe, prej 3 vitesh bashkia e përcjellë pa zgjidhje

28 Qershor 2021, 15:46, Sociale CNA

Ilir Dehani, nënkryetar i ?Shqatës së prindërve të fëmijëve me aftësi ndryshe?, në një prononcim për CNA.al, ka ngritur shqetësimet që ka kjo kategori në zonën e Tepelenës.

Ai tregon se në këtë zonë janë rreth 30 fëmijë më aftësi ndryshe që kanë nevojë për shërbim të specializuar, por mungon një qendër rehabilituese.

I vendosur për tu ardhur në ndihmë ai tregon se prej 3 vitesh shkon privatisht në shtëpijat e tyre, dhe se gjithcka e bën për bamirësi, pasi nuk paguhet.

Megjithëse ka bërë shumë herë kërkesa në bashki për t’i mundësuar një godinë këtyre fëmijëve, prej 3 vitesh është përciellë me ?lajka? sic dhe thekson ai vetë, por asgjë nuk është mundësuar.

Madje ka bërë perpjekje për të gjetur dhe psikolog e terapist zhvillimi nga zonat e tjera, por përsëri mbetet problemi tek godina.

?Kam 20 fëmijë me aftësi ndryshe që bëjmë logopedi dhe i bëjmë në kushte jo të mira.

Detyrohem unë që vete në shtëpitë e tyre që bëjmë mësimet/ trajtimin.

Tani për tani unë punoj për forcat e mia, nuk paguhem në asnjë vend. E bëj si bamirës. Kam tre vite që e bëj këtë punë.

Këta personat me aftësi të kufizuar duan ndihmë,një qendër ditore ku dhe ne të punojmë si duhet.

Kam vajtur dhe tek Bashkia në Tepelenë dhe kam kërkuar një ambient për ta këtu, ku të ketë dhe kushtet dhe shërbimin e fizioterapisë, logopedin dhe një psikolog që kanë nevojë këta fëmijë.

Sic është bërë qendra në Gjirokastër, të bëhet edhe këtu. Pse të venë nëna me fëmijën e saj të sëmurë në Gjirokastër, Sa i bën rruga asaj?

Bashkia na ka marrë me lajka, do ta rregullojmë do ta rregullojmë e vajtëm dy vjet që nuk kanë bërë asgjë.

Kemi marrë edhe përgjigje zyrtare edhe gojarisht që do ta bëjmë , por prap situata mbetet e njejtë.

Unë i kam gjetur dhe personat dhe me forcat e mia, një psikolog dhe një terapist të zhvillimit nga Përmeti por është kostoja e rrugës. Ne skemi të paguajmë nga ana jonë. Të bëjnë një rrogë të vogël mujore të paktën.

Unë ndjek 20 fëmijë privatisht nëpër shtëpia, por sa të tjerë nuk ndiqen fare!

Unë mora dikur një godinë me qira, por e mbyll se nuk e përballoja dot vetë.

Kështu nuk bëhet punë! Unë po e bëj me forcat e mia, kam 3 vite, jam bërë si Nën Tereza, por këta fëmijë kanë nevojë për një godinë dhe ky është apeli im për bashkinë dhe ata më lart”, përfundon Dehani./CNA.al