web counter
LEXO PA REKLAMA!

SHKARKO APP

App Store
Google Play

E fundit!

x

Protestë për abonenë/ Qytetarët: Heqja për 3 muaj kosto për ne, po ecim në këmbë

25 Qershor 2021, 17:37, Sociale CNA

Kjo ishte kërkesa e dhjetëra qytetarëve të mbledhur këtë të premte përballë Bashkisë Tiranë. Ata thonë se heqja e abonesë së përgjithshme për një periudhë tre mujore po u rrit kostot e përditshme.

?Në asnjë vend të botës nuk paguhet për çdo linjë autobusi çmim më vete, është komplet absurde, për më tepër që kur u rrit çmimi i biletës nuk u përmirësua asnjë kusht për transportin publik?, tha një protestuesve.

?Punoj dhe studion njëkohësisht dhe kështu më duhet të paguajë autobusin si kur shkoj në punë ashtu edhe kur shkoj në universitet. Duhet të rikthehet aboneja sa më parë?, shprehet një tjetër protestues.

?Mbi 11 mijë firma janë dorëzuar në Bashkinë e Tiranës para pak ditësh për kthimin e abonesë së përgjithshme dhe përmirësimin e transportit publik, por kryetari i bashkisë dhe Këshilli Bashkiak vazhdojnë të heshtin?, tha një aktiviste.

Më herët Bashkia e Tiranës  ka sqaruar se qëllimi i këtij vendimi lidhet me kryerjen e verifikimeve dhe matjeve për riorganizimin dhe ristrukturimin e shërbimit të transportit.

Drejtori i Transportit Publik të Tiranës në nisje të këtij muaji gjatë një interviste për Euronews Albania siguroi se nuk do të ketë ndryshim të çmimit të biletave. Aktualisht në qarkullim janë vetëm abonetë për linjat e veçanta të autobusëve./euronews





Lajmet e fundit nga