web counter
LEXO PA REKLAMA!

SHKARKO APP

App Store
Google Play

E fundit!

x

Po flini keq gjatë natës?/ Studiuesit: Shmangni këtë zakon

22 Qershor 2021, 11:33, Lifestyle CNA

Shumë njerëz përdorin teknikën e të dëgjuarit muzikë për të patur një gjumë të mirë, por së fundi duket se kjo duhet të jetë gjëja e fundit që bëni para se të flini.

Sipas hulumtimit të botuar në revistën Psychological Science, muzika apo kënga që po dëgjoni do të mbetet përgjatë gjithë natës në mendjen tuaj duke bërë që të keni një gjumë jo të mirë dhe që ditën e nesërme të zgjoheni edhe më të përgjumur.

Këto zbulime hedhin dyshime në pikëpamjen e përhapur gjerësisht se muzika është e dobishme për një gjumë të mirë.

Në të vërtetë, shumë nga pjesëmarrësit e studimit , 87 përqind, menduan këtë, por hulumtimi tregoi se në fakt ‘ata që dëgjuan më shumë muzikë fjetën më keq’.

?Krimbat e veshit?, të cilët pothuajse të gjithë ne i përjetojmë, priren të jenë melodi tërheqëse, ritmike, sepse këto janë më të lehta për tu mbajtur mend.

?Krimbat e veshit?, të njohur mjekësisht si imazhe muzikore të pavullnetshme, janë të padëmshëm, edhe pse të kesh një këngë që bluan në kokën tënde mund të jetë irrituese.

Shkaku është pak mister, por studimi i mëparshëm ka sugjeruar që dëgjimi i muzikës, stresi dhe kujtimet luajnë një rol. Për më tepër, shkencëtarët besojnë se truri në mënyrë të pandërgjegjshme i riprodhon këto këngë për orë të tëra pasi i ka dëgjuar ato si pjesë e procesit për të vendosur kujtimet, kështu që dëgjimi i muzikës gjatë ditës gjithashtu mund të shkaktojë imazhet e pavulnetshme gjatë natës.

Për të parandaluar këtë gjatë natës, Dr Scullin sugjeron dhjetë minuta të përqendroheni në një detyrë para gjumit, siç është shkrimi i një ditari, për të shpërqendruar trurin.  Nëse dëgjoni muzikë para gjumit, zgjidhni diçka të qetë dhe të panjohur, shton ai./ CNA.al





Lajmet e fundit nga