web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet një banesë me drogë/ Arrestohen dy punonjës të OSSHE

20 Qershor 2021, 07:41, Kronika CNA

Një tjetër rast i tentativës për kultivim të bimëve narkotike, është zbuluar nga efektivët e antidrogës.

Në zonën e Shijakut, një banesë ishte përshtatur për kultivimin e bimëve narkotike.

Në kërkim nga Policia janë shpallur tre autorë të dyshuar, ndërsa janë arrestuar në flagrancë 2 punonjës të OSHEE, pasi nuk kanë konstatuar vjedhjen e energjisë elektrike.

Sipas Policisë, në kërkim janë shpallur shtetasin V. G., 32 vjeç, A. D. (G)., 27 vjeç, të dy banues në Hardhishtë, Shijak.

Gjithashtu është shpallur në kërkim shtetasi I. G., 40 vjeç, banues në Hardhishtë, Shijak, me detyrë elektricist pranë OSHEE-së, pasi dyshohet se është bashkautor në kultivimin e bimëve narkotike.

Shpallja në kërkim e këtyre shtetasve u bë pasi gjatë kontrollit të ushtruar nga shërbimet e Policisë në banesën e shtetasit A.D.(G)., në fshatin Hardhishtë, dyshohet se këta shtetas në bashkëpunim me njëri-tjetrin, kanë përshtatur banesën me aparatura që shërbejnë për kultivimin e bimëve narkotike, dhe kanë ndërhyrë në matësin e energjisë elektrike.

Në cilësinë e provës materiale u sekuestruan bimë të lëndës narkotike canabis sativa dhe paisjeve që shërbenin për kultivimin e tyre.

Ndërsa në arrest për veprën penale “Shpërdorim detyre”, kanë përfunduar shtetasit E. S., 39 vjeç dhe Xh. I., 25 vjeç, banues në Shetel dhe Romanat, me detyrë faturist dhe elektiçist pranë OSHEE-së.

Të dy këta shtetas, sipas Policisë në kundërshtim me ligjin nuk kanë përmbushur detyrën, duke mos kontrrolluar linjën elektrike, si dhe matësin e energjisë elektrike./CNA.al





Lajmet e fundit nga