E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Beteja mediatike zgjedhore/ Ja ku ishin sytë e të gjithë shqiptarëve

20 Qershor 2021, 11:05, Aktualitet CNA

Beteja mediatike zgjedhore është fituar nga TV Klan.

Sipas sondazhit të bërë nga një prej kompanive më prestigjioze në vend, e cila ka bërë monitorimin mediatik në vend, gjatë muajit Prill, kohë kur ishte edhe fushata zgjedhore, beteja duket që është fituar TV Klan.

Shifrat e sondazhit, saktësojnë se TV Klan ka 29.2% të audiencës, i ndjekur nga Top Channel me 21.1% të audiencës totale.

Më tej vjen News 24 dhe Euronews Albania, që janë shumë afër njëri tjetrit.

Pra qartazi Tv Klan ka dominuar, por supriza është Euronews Albania, ku u zhvilluan edhe sondazhet që i dolën thuajse 100% të sakta me rezultatin zgjedhor, ka pasur një peshë të madhe në audiencë.

Euronews, një televizion i ri, me pak muaj eksperiencë që ngjitet në krye, rezulton se është i ndjekur masivisht nga shqiptarët.

Top Channel rezulton të jetë përpara TV Klan vetëm e ditën e zgjedhjeve, me një diferencë 1.9%, ndërsa në ditët në vijim TV Klan ka kryesuar kudo dhe mesatarisht në muajin Prill.

Bëhet fjalë për javën e fundit të muajit, që ka lidhje edhe me datën e zgjedhjeve parlamentare, numërimin, shpalljen e rezultateve e të tjera, pra me të gjithë procesin zgjedhor.

Siç duket në sondazh, në ditën e zgjedhjeve ka pasur më shumë audiencë Top Channel, i ndjekur është Tv Klan dhe pas tij News 24 dhe Ora News.

Televizionet që raportojnë live, ditën e zgjedhjeve shifrat tregojne se kanë pasur më shumë audiencë.

Kemi parasysh këtu që Top Channel me Eni Vasilin, News 24 me Sokol Ballën dhe Ora News gjatë gjithë kohës transmetonin ngjarjet elektorale, ndërsa TV Klan nuk ka pasur një emision raportimi live, gjatë zgjedhjeve, përveçse në edicionet e lajmeve.

Sipas të njëjtave shifra, me 25 Prill, mediat me titra, kanë pasur një audiencë të ngritur por edhe Euronews Albania, një televizion i ri ka surprizuar me gati 8.9% të audiencës me 25 Prill.

Por, më tej nga 26 Prill e në vijim TV Klan, ngrihet dhe rikap audiencën e tij, duke u kthyer në televizionin më të ndjekur në vend.

Dhe pas tij vjen Top Channel dhe me një diferencë të ngushtë ndodhet Euronews Albania me News 24, për t?u ndjekur më pas nga Vizion Plus, dhe Ora News./CNA.al