E fundit!

12:34 Aktualitet

Kërkesa e protestuesve për kufizimin e mandatit të kryeministrit/ Berisha: PD e gatshme ta votojë

Kreu i PD-së, Sali Berisha, deklaroi se Partia Demokratike...

Atentati ndaj biznesmenit/ Identifikohen autorët

20 Qershor 2021, 09:37, Aktualitet CNA

Janë zbardhur detaje të reja rreth atentatit në Sarandë, i cili ndodhi në orët e para të mëngjesit, ku u qëllua me 20 plumba drejt biznesmenit, Spiro Iljadhi.

Policia ka bërë të mundur identifikimin e autorëve, ku sipas të dhënave të policisë rezultojnë të jenë shtetasit me inicialet, A.C, V.C dhe R.H. Tre autorët janë shpallur në kërkim, ku sipas njoftimit dy prej tyre janë vëllezër.

Biznesmeni ka marrë disa plumba të cilët e kanë prekur në bark dhe ndodhet në gjendje të rëndë në spital.

Njoftimi i Policisë

Zbardhet ngjarja e ndodhur mengjesin e sotëm, në lagjen Nr.1, Sarandë, ku mbetën të plagosur me armë zjarri shtetasit S. I., dhe M. J.

Identifikohen dhe shpallen në kërkim tre autorët e dyshuar të ngjarjes.

Specialistët për Hetimin e Krimeve në Komisariatin e Policisë Sarandë nën drejtimin e Prokurorisë të Rrethit Gjyqësor Sarandë, pas një pune intensive hetimore për zbardhjen e ngjarjes së ndodhur mengjesin e sotëm, kanë bërë identifikimin dhe shpalljen në kërkim të autorëve të dyshuar, shtetasit: C., 35 vjeç V. C., 33 vjeç (vëllezër) dhe R. H., 33 vjeç, të tre banues në Tepelenë.

Këta shtetas, rreth orës 03:50, në lagjen Nr.1, Sarandë, në afërsi të një lokali, në bashkëpunim me njëri-tjetrin, dyshohet se kanë plagosur me armë zjarri shtetasin S. I., 35 vjeç, banues në Sarandë dhe një kalimtar të rastit shtetasin M. J., 33 vjeç, banues në Tiranë, të cilët ndodhen në spital, jashtë rrezikut për jetën.

Nga veprimet hetimore dyshohet se ngjarja ka ndodhur si pasojë e një konflikti të çastit, për motive të dobëta, midis autorëve të dyshuar dhe shtetasit S. I.

Nga ana e Policisë po punohet intensivisht për kapjen e tyre, vendosjen përpara përgjegjësisë ligjore dhe dokumentimin e plotë të ngjarjes.

Materialet iu referuan Prokurorisë së Rrethit Gjyqësor Sarandë, për veprat penale ?Vrasja në rrethana të tjera cilësuese?, kundër dy ose më shumë personave e mbetur në tentative e kryer në bashkëpunim dhe ?Armëmbajtja pa leje?./ CNA.al