web counter
LEXO PA REKLAMA!

SHKARKO APP

App Store
Google Play

E fundit!

x

“Konflikte mes vëzhguesve dhe votime familjare”/ Harxhi: Me mijëra anëtarë s'kanë emrat në lista

13 Qershor 2021, 14:07, Politikë CNA

Kandidatja për kryetar të PD-së, Edith Harxhi ka denoncuar  një sërë problematikash në lidhje me procesin e votimit.

Në një prononcim për mediat ajo është shprehur se mijëra anëtarë që kanë qenë aktiv në zgjedhjet e 25 prillit dhe themelues të PD-së, nuk e kanë emrin në listë.

Ndërsa tha se në disa qytete ka pasur konflikte midis vëzhguesve dhe anëtarëve të Komisionit, po ashtu ka patur probleme me fotografimin e fletës së votimit.

?Një numër i konsiderueshëm anëtarësh që janë kontribues në parti, kanë qenë aktiv në zgjedhjet e fundit dhe themelues të PD nuk kanë votuar se nuk janë në lista. Ka të dhëna nga shumë qendra në vend që kanë probleme.  

Një tjetër problem është edhe votimi i atyre që nuk kanë emrin në listë dhe nuk kanë kartë anëtarësie dhe po lejohen vetëm me karta identiteti. Është vënë re një proces i skanimit dhe fotografimit të fletës së votimit. 

Kujtoj se Gjana tha se këto janë bërë jashtë qendrës së votimit, kjo implikon votimin pasi  nuk duhet të ketë fletë votimi jashtë daljes nga qendra, prandaj këto bëhen brenda kutisë së votimit. Ka pasur raste ku ka pasur votim familjar në Kavajë dhe Mat, kjo është e patolerueshme. 

Më shqetësuese për mua është mosvotimi i mijëra anëtarëve që nuk figurojnë në lista. Ky proces ka probleme të mëdha, por pavarësisht kësaj kërkoj që të gjithë anëtarët të dalin të votojnë masivisht”, tha Harxhi.   por pavarësisht kësaj kërkoj që të gjithë anëtarët të dalin të votojnë masivisht?, tha Harxhi./CNA.al





Lajmet e fundit nga