web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet në PD/ Basha kërkon votëbesimin: Të bashkuar të luftojmë për demokraci

11 Qershor 2021, 10:08, Politikë CNA

Në kuadër të fushatës së brendshme brenda Partisë Demokratike, kryedemokrati Lulzim Basha, ka zhvilluar një takim me demokratët e Peqinit.

Gjatë bisedës me to, Basha ka treguar vizionin për të ardhmen, si dhe u ndal në zgjedhjet e 25 prillit, të cilat i cilësoi si ?masakër elektorale?.

Ai tha se vullneti i shqiptarëve u deformua, e bëri thirrje për bashkim, për t?ia kthyer vendin qytetarëve.

?Ne kishim dhe kemi mbi vete shpresën e banorëve të Peqinit, Elbasanit dhe të gjithë Shqipërisë për ndryshim. Shpresën që e kam parë të ndizej si dritë në bebet e syve të çdo banori të Peqinit që takoja, në ferma, në sera, në shtëpitë e tyre, në sipërmarrjet e tyre bashkë me ju.

Kjo nuk erdhi thjesht dhe vetëm për shkak të këtij bashkimi të jashtëzakonshëm që s?e përçau dot asgjë dhe askush këtu në Peqin, në Elbasan dhe në të gjithë Shqipërinë.

Por mbi të gjitha miqtë e mi shqiptarët si kudo anembanë vendit e në veçanti në Peqin vendosën përkundër masakrës zgjedhore, përkundër harbutërisë së horrave të Taulant Ballës me shokë, vendosën të ndryshonin, vendosën të ndiqnin Partinë Demokratike në rrugën për ndryshim sepse ne kishim kohë që jepnim prova se në këtë betejë nuk ishim futur për veten tonë, nuk ishim futur si agallarët e rinj për të zaptuar çfarë të mundeshim publike dhe private dhe pastaj për ta ndarë si kothere e për t?ua hedhur në fytyrë bashkëqytetarëve si mëshirë.

Përkundrazi, ne ishim futur në këtë betejë ashtu siç u futëm në vitin 1990 dhe vitin 1991 pikërisht për t?u rikthyer dinjitetin e nëpërkëmbur njerëzve, për t?ju dhënë çdokujt mundësinë dhe shansin të ndihet zot në shtëpinë e vet, për t?u dhënë të gjithëve mundësinë për të përfituar nga pasuritë e jashtëzakonshme të këtij vendi dhe jo vetëm të një grushti njerëzish. Duhet të dalim nga kjo betejë mendjendarë e jo të çoroditur. Duhet të dalim nga kjo betejë të vendosur e të bashkuar siç jemi, për t?i shkuar deri në fund luftës për demokraci?,  tha Basha./CNA.al





Lajmet e fundit nga