web counter
LEXO PA REKLAMA!

SHKARKO APP

App Store
Google Play

E fundit!

x

Neritan Sejamini: Basha e ka të pamundur që të bindë shqiptarët se zgjedhjet janë vjedhur

10 Qershor 2021, 19:55, Politikë CNA

Gazetari Neritan Sejamini tha në Barometrin Politik se sipas tij, Lulzim Basha ka dështuar për t?i bindur shqiptarët se Partia Demokratike nuk ka humbur, pasi zgjedhjet janë vjedhur nga PS-ja.

Sejamini u nis nga sondazhi i bërë nga Euronews Albania dhe MRB, ku rezulton se 60% e shqiptarëve mendojnë se PD-ja i ka humbur zgjedhjet.

Neritan Sejamini tha se PD-ja jo vetëm se nuk i ka bindur shqiptarët, sipas tij, se zgjedhjet janë vjedhur, por e ka të pamundur për ta bërë një gjë të tillë.

?Kjo tregon se detyra që ka marrë përsipër z. Basha që t?i bindë shqiptarët që zgjedhjet nuk i ka humbur por ja kanë vjedhur, është detyrë e pamundur pasi 60% e opinionit publik mendon se zgjedhjet janë humbur dhe nuk janë vjedhur?, u shpreh z. Sejamini.

Sejamini theksoi se beteja që ka filluar z. Basha dhe PD-ja për të bindur shqiptarët që është bërë një masakër elektorale dhe zgjedhjet iu janë vjedhur, është një betejë e humbur për sa i përket opinionin publik.

Ai tha gjithashtu se çdo lloj dite që kalon për të argumentuar se zgjedhjet janë vjedhur, është, për të, kohë e humbur kot.

Më pas këshilloi se sipas tij, opozita duhet të fillojë përgatitjet për zgjedhjet e 2025.

?Sot më shumë se kurrë duhet të përgatitet pasi e ka shumë të vështirë?, u shpreh Neritan Sejamini.





Lajmet e fundit nga