web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e Kongresit të PS/ Balla zbardh detaje: Pjesa e parë do ti kushtohet rrugëtimit të këtij 30 vjetori

11 Qershor 2021, 09:18, Politikë CNA

Sekretari i Përgjithshëm i PS Taulant Balla ka dalë ditën e sotme në një deklaratë për mediat. Balla foli për mbledhjen e Kongresit të PS  që do të mbahet ditën e nesërme në stadiumin e Air Albania.

Ai deklaroi se Kongresi i PS do të nisë me surpriza të bukura, ku do të ketë mesazhe dhe përshëndetje nga socialistët e vjetër që kanë kontribuar në ngritje të Partisë Socialiste.

?Nesër PS feston 30-vjetorin e saj dhe urimet nuk bëhen dot sot, por natyrshëm që ky është një moment historik në rrugëtimin e PS, e cila gjatë gjithë këtyre 30 viteve ka një kontribut të veçantë në jetën politike të vendit. Është e vetmja forcë politike që gjatë këtij rrugëtimi nuk i ka bërë asnjëherë dëm interesave të vendit, por ka kontribuar në forcimin e demokracisë, të shtetit ligjor dhe çuarjen përpara të reformave, që na kanë afruar sot më shumë se kurrë me ëndrrën e anëtarësimit në BE. Kështu do të jetë pjesa e parë e Kongresit ditën e nesërme, do t?i dedikohet rrugëtimit të këtij 30-vjecari.

Unë nuk do të zbardh sot surprizat e bukura, që do të sjellë të gjithë kontributin e atyre në PS, që duke kontribuar për PS, kanë kontribuar edhe për rrugëtimin në BE. Do të ketë mesazhe, përshëndetje, dhe pas kësaj do të kalojmë në prezantimin e vizionit tonë ?Shqipëria 2030?, ku brenda kësaj pjese do të jetë edhe përmbledhja e objektivave tona për mandatin e ri qeverisës. Më pas, është dhe një pjesë tjetër, që është pjesa që lidhet me procesin e thellë të analizës dhe riorganizimit të plotë të strukturës së PS në të gjithë territorin, në të gjitha nivelet, nga ai bazë në të gjitha nivelet e tjera?, u shpreh Balla./ CNA.al

 





Lajmet e fundit nga