web counter
LEXO PA REKLAMA!

SHKARKO APP

App Store
Google Play

Partizani dhe Kukësi duan të "rrëmbejnë" mesfushorin e Skënderbeut

10 Qershor 2021, 06:10, Sport CNA

Skuadrat e Kategorisë Superiore janë vënë thuajse të gjitha në lëvizje për të përforcuar radhët e tyre me lojtarë cilësorë dhe duket se për momentin, në të gjithë klubet prioriteti i përket futbollit vendas. Prej ditësh ka nisur ?gjuetia? e lëvizjeve me parametër zëro, më saktësisht lojtarëve të cilët kanë mbyllur kontratat me klubet përkatëse dhe që në verë mund të transferohen lehtësisht në ekipe të tjera.

Një emër që po tërheq gjithnjë e më shumë klubet në Superiore është ai i Shqiprim Taipit. Mesfushori, pjesë e Skënderbeut prej tre sezonesh, por në edicionin e fundit është kthyer në një nga emrat më të vlerësuar në elitën e futbollit shqiptar. Kontrata e tij përfundon me 30 qershor, ndaj që tani, klubet kryesore janë venë në garë për të siguruar firmën me lojtarin.

VIP Sport ka mësuar se gjatë kësaj periudhe ka pasur bisedime konkrete mes futbollistit dhe klubeve të Kukësit e Partizanit, të cilët e shohin si një përforcim cilësor për edicionin e ardhshëm. Te Kukësi, ai do të bashkohej me vëllanë e tij, Gjelbrimin, duke pasur mundësinë të formonte me të një dyshe shumë interesante në mesfushën e verilindorëve.

Ndërkohe, te Partizani e kërkon me ngulm Ilir Daja, i cili ishte ai që e ktheu titullar të padiskutueshëm te Skënderbeu një edicion më parë, duke besuar shumë te cilësitë e tij. Të kuqtë e kërkuan që në janar, por asokohe Skënderbeu vendosi që të mbante futbollistin, për të tentuar mbijetesën të cilën në fund arriti ta realizonte dhe falë lojës së shkëlqyer të Taipit në këtë edicion. Por tani nuk ka asgjë që mund të ndalë firmën mes palëve, gjithmonë nëse ai zgjedh t?i bashkohet projektit të Dajës me të kuqtë.





Lajmet e fundit nga