web counter
LEXO PA REKLAMA!

SHKARKO APP

App Store
Google Play

E fundit!

x

Kosova pranon 10,000 vaksina nga Kroacia

10 Qershor 2021, 16:11, Kosova & Bota CNA

Në Kosovë arritën të enjten 10,000 vaksina kundër koronavirusit, të bëra donacion nga Kroacia. Donacioni u pranua gjatë një takimi të ministrit të Shëndetësisë së Kosovës, Arben Vitia, dhe drejtorit të Institutit Kombëtar të Shëndetësisë Publike të Kosovës, Naser Ramadani, me ambasadoren e Kroacisë në Kosovë, Danijella Barishiq.

Në njoftimin e Ministrisë së Shëndetësisë nuk bëhet e ditur se të cilit prodhues janë vaksinat. Marrëveshja për këtë donacion është nënshkruar më 24 maj nga Barishiq dhe zyrtarë të Ministrisë së Shëndetësisë së Kosovës.

Kosova ka nisur fushatën e vaksinimit kundër koronavirusit në fund të marsit. Deri të enjten janë dhënë gjithsej 90,217 vaksina. Aktualisht, në zhvillim e sipër është faza e dytë e vaksinimit, që përfshin personat e moshës 65-79 vjeç.

Faza e tretë e vaksinimit masiv është paralajmëruar se do të nisë javën e ardhshme. Kosova ka pranuar donacione vaksinash nga Bashkimi Evropian dhe nga programi Covax i Organizatës Botërore të Shëndetësisë.

Muajin e kaluar, autoritetet kanë njoftuar për nënshkrimin e një kontrate me kompaninë farmaceutike amerikane Pfizer, për sigurimin e mbi 1 milion vaksinave, por nuk dihet ende se kur do të arrijnë ato në Kosovë. REL





Lajmet e fundit nga