web counter
LEXO PA REKLAMA!

SHKARKO APP

App Store
Google Play

E fundit!

x

Gjetja e trupit të Rudolf Elezoviç/ Del ekspertiza mjeko-ligjore: Është qëlluar me plumb në kokë

10 Qershor 2021, 14:35, Aktualitet CNA

Ditën e sotme ka dalë ekspertiza malazeze e oficerit të antidrogës Rudolf Elezoviç. Sipas ekspertizës, ai është ekzekutuar përpara 10 ditësh.

Ekspertët e mjekësisë ligjore konfirmojnë se ai Elezoviç është qëlluar me një plumb në kokë.

Hetuesit dyshojnë se oficeri i antidrogës së Ulqinit dhe Tivarit është ekzekutuar në një vend tjetër dhe më pas është çuar buzë lumit Buna, pranë fshatit Shëngjergj të Ulqinit.

Sipas mediave malazeze, policia nuk ka gjetur armën apo gëzhojën.

Mësohet se pranë trupit nuk kishte asnjë provë që do të ndihmonte grupin hetimor.

Fillimisht u dyshua se ai ishte vetëvrarë, por pas këqyrjes me imtësi të vendit të ngjarjes, policia arriti në konkluzion se Elezoviç është vrarë.

Mediat malazeze raportuan se një bashkëpunëtor i drejtësisë ka deklaruar se Elezoviç bashkëpunonte me trafikantët duke i lejuar ata të kryenin aktivitetin kundrejt shpërblimeve në të holla. Pikërisht për këtë hetimet janë përqendruar tek një rrëmbim i mundshëm i zyrtarit të policisë nga grupet kriminale.

Trupi i pajetë u gjet pikërisht në këtë vend, rreth orës 21:40 minuta të mbrëmjes së të martës nga banorët e zonës./ CNA.al





Lajmet e fundit nga