E fundit!

18:57 Opinione Luan Rama

I PËGËRI I MBETUR GJALLË NGA NJË KOHË E VDEKUR

Në këto ditë të zhegëta vere, bashkë me rrjedhën kutërbues...

Ish-pronarit të klubit të futbollit iu sekuestruan pronat/ Bëmat e biznesmenit me drejtësinë

10 Qershor 2021, 12:59, Aktualitet CNA

Policia ka njoftuar se janë sekuestruar pasuri me vlerë rreth 3 milionë euro, në pronësi të biznesmenit Gëzim Sallaku, vëllait të tij Saimir Sallakut dhe një personi tjetër, me të cilin dy vëllezërit kanë lidhje.

Vëllezërit Sallaku dhe kryesisht Gëzim Sallaku nuk janë të panjohur për drejtësinë.

Në muajin Shkurt të këtij viti, autoritetet në Brescia dëbuan nga 48-vjeçarin shqiptar, biznesmenin Gëzim Sallaku.

Ai njihej si një biznesmen të rëndësishëm në Itali, si pronar i disa restoranteve dhe hoteleve në Valcamonica dhe në Liqenin Iseo.

Ish-pronari i klubit të futbollit, Darfo Calcio, u dëbua pasi policia e konsideronte person të padëshiruar dhe se qëndronte jo në përputhje me dokumentet. Po ashtu ai konsiderohej i rrezikshëm nga policia.

Sallaku njihet dhe me nofkën ?talebani? apo ?Zim?. A u arrest fillimisht më 14 prill të vitit 2015, pasi akuzohej për pastrim parash, vjedhje të materialeve të ndërtimit dhe përvetësim të aseteve fiktive.

Në atë kohë urdhër-arresti ndaj tij u lëshua nga Prokuroria e Kremonës.

Ndërsa më 30 dhjetor të vitit 2017, Gjykata e Kasacionit në Itali vendos anulimin e sekuestros ndaj aseteve për biznesmenin shqiptar Gëzim Sallaku.

Kasacioni vendosi të heq sekuestron nga asetet e tij përfshirë edhe aksionet në klubin e futbollit ?Darfio?.

Në Nëntor të vitit 2018 ai ka rënë sërish në prangat e Policisë italiane në kuadër të një operacioni të gjerë.

Në shtëpinë e tij u gjetën tre armë zjarri pa leje përkatëse si dhe një sasi municioni. Ato mbaheshin të fshehura në një hendek në garazhin e vilës së tij.

Pas arrestimit në nëntor ai u liruan, ndërsa në burg ngeli vetëm vëllai i tij, Saimiri Sallaku, i cili mori përsipër të gjitha akuzat.

Por pas hetimeve që janë zhvilluar nga Policia dhe falë disa përgjimeve, u zbulua se në të vërtetë të gjithë vëllezërit i njihnin armët bashkë me ta edhe dy nga gratë e familjes Sallaku.

Kjo ka bërë që Gjykata të lëshojë urdhër arresti dhe të rikthejë në burg vëllezërit Sallaku.

Pronat e sekuestruara

Sekuestro 100% të aksioneve të shoqërisë ?GSA Sallaku? sh.p.k, me aktivitet ?Import, eksport, tregti autoveturash, kamionësh etj?, me seli në Durrës, me ortak të vetëm dhe administrator shtetasin Gëzim Sallaku;

– 2 apartamente, në Durrës, në emër të shtetasit Gëzim Sallaku;

– 20.600 m2 sipërfaqe toke arë, në Durrës, në emër të shtetasit Gëzim Sallaku;

– 1000 m2 sipërfaqe toke truall, mbi të cilën janë ndërtuar 2 banesa me sipërfaqe 140 m2 secila, në Durrës, në emër të shtetasit Gëzim Sallaku;

– Një godinë banimi dykatëshe dhe 2 apartamente banimi, në Durrës, në pronësi të shtetasit R. K.;

13 automjete të markave të ndryshme në pronësi të shoqërisë tregtare ?GSA Sallaku?./CNA.al