web counter
LEXO PA REKLAMA!

SHKARKO APP

App Store
Google Play

Dinamo e Shkëmbit bën "pazar" te Skënderbeu, tenton ti "rrëmbejë" kapitenin

7 Qershor 2021, 07:15, Sport CNA

Skënderbeu kërkon të konfirmojë pjesët e tij më të mira për sezonin e ardhshëm dhe të përforcohet atje ku trajneri Migen Memelli e sheh të nevojshme për të mbajtur objektivin sezonal që do të jetë i ndryshëm nga ai i këtij sezoni. Por, duket se, përveç konfirmimeve, rrezikon të humbasë edhe pjesët e çmuara që ka pasur këtë sezon. Veç lojtarëve që janë në dilemë për shkak se u ka përfunduar kontrata, sirenat e alarmit kanë rënë edhe për kapitenin Jorgo Meksi.

Mbrojtësi i djathtë i Skënderbeut vjen nga dy sezone në nivel të lartë dhe kjo ka bërë që të bjerë në sy të ekipeve të tjera të Kategorisë Superiore. Një prej tyre është edhe Dinamoja, që sapo është ngjitur në Superiore dhe kërkon të afrojë lojtarë cilësorë. Me Shkëmbin gati për t?u ulur në stolin blu, dinamovitët shohin te Meksi njeriun e duhur për të blinduar krahun e djathtë të mbrojtjes.

Burime pranë lojtarit tregojnë se kanë filluar kontaktet e para për të dhe nuk është vetëm Dinamo ekipi i interesuar, por edhe dy skuadra të tjera, të cilat për momentin po mbahen sekret nga enturazhi i lojtarit. Fakti që Meksi është nën kontratë e bën pak më të vështirë largimin, vetëm nëse klubet e interesuara do të jenë të gatshme për të përmbushur kërkesat financiare të Skënderbeut. Gjithsesi, Meksi mbetet një nga lojtarët më të rëndësishëm të Skënderbeut dhe vështirë se bardhekuqtë do të heqin dorë nga shërbimet e tij, por mund ta klasifikojnë në listën e lojtarëve të pashitshëm në rast se nuk vjen oferta e duhur.





Lajmet e fundit nga