web counter
LEXO PA REKLAMA!

SHKARKO APP

App Store
Google Play

Rama zbulon projektet për mandatin e tretë/ Takon sipërmarrësit turq, zbardhen detajet

3 Qershor 2021, 16:23, Politikë CNA

Kryeministri Edi Rama prej dy ditësh ndodhet në Turqi ku po zhvillon takime për ecurinë e projekteve të bashkëpunimit dypalësh mes ministrive.

Gjatë ditës së sotme Rama ka qenë në Ankara ku është zhvilluar tjetër takim. Nëpërmjet një statusi në rrjetet sociale ai ka bërë me dije se ka qenë një ditë bashkëbisedimesh të detajuara.

Sipas tij, në takim u fol për ndërtimin e fabrikës së 7 llojeve të vaksinave dhe qendrën e teknologjisë në periferi të qytetit, kontollin me dronë dhe për infrastrukturën kombëtare.

?Ankara – Ditë bashkëbisedimesh të detajuara me sipërmarrje të ekselencës turke për:

* Ndërtimin e fabrikës së 7 llojeve të vaksinave, si zemra e një qendre të klasit të parë të prodhimit farmaceutik

* Teknopark Albania, një qendër e teknologjisë së lartë në periferi të kryeqytetit, për kompanitë HighTech, Start Up-et e kërkimin shkencor, sipas modelit të suksesshëm të jetësuar në Turqi, si katalizator i transformimit ekonomik e social dhe krijimit të vendeve cilësore të punës për të rinjtë

* Sistemin e kontrollit të territorit të vendit me dronë superinteligjentë, për prodhimin e të dhënave në kohë reale mbi rrugët, bregdetin, tokën bujqësore, pyjet, rendin publik natyrisht e të tjera akoma

* Programin e Mandatit të Tretë për infrastrukturën kombëtare?, ka shkruar Rama./ CNA.al





Lajmet e fundit nga