E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Ç’ndodhi me bandat dhe ofertat?/ Lulzim Basha dhe Grida Duma heshtin

3 Qershor 2021, 12:39, Politikë CNA

Lulzim Basha kreu i PD në detyrë e ka vijuar turin në Kavajë dhe Rrogozhinë, në dy zona që kanë qenë bastion i PD dhe që humbën me 25 Prill.

Si në Kavajë ashtu edhe në Rrogozhinë, drejtuese politike ishte dërguar Grida Duma, e cila pas zgjedhjeve doli në media dhe tha se i kishin shkuar banda për të bërë pazare me të.

Sipas saj të gjitha ajo ia kishte përcjellë kreut të PD-së Lulzim Basha dhe ky i fundit s?kishte pranuar bashkëpunimin me ta.

Por, as Duma dhe as Basha nuk kanë folur me emra konkretë, vetëm në përgjithësi.

Dhe në takimin e Kavajës dhe Rrogozhinës, Basha nuk ka përmendur banda, përveçse deklaratat e njëjta që jemi mësuar ta dëgjojmë nga qyteti në qytet, të cilave më pas iu ndërron rendin e fjalive.

?Ata me dhunë, shantazh, terror shtetëror banditësh me një polici në rastin më të mirë në gjunjë para krimit dhe në shumicën e rasteve shoqëruese e mbrojtëse e krimit, ne me program, me ide, me vizion, me zgjidhje për hallet e panumërta të shqiptarëve të cilat për katër vjet i prekëm derë më derë e shtëpi më shtëpi.

Ndaj dua t?ju shpreh mirënjohjen time më të thellë sepse nuk ka qenë thjesht një betejë e pabarabartë?, është shprehur Basha në Kavajë.

Pra, nga retorika ?nuk fituam zgjedhjet se nuk bëmë pazar me bandat dhe nuk pranuam ofertat e tyre?, Basha ka ?zbritur tek retorika se ?ishim në një garë të pabarabartë?.

Kujtojmë se PD ka marrë 10 115 vota në Bashkinë Kavajë, përkundër PS që mori 10 338 vota.

Ndërsa sipas të dhënave zyrtare të KQZ-së, Partia Demokratike në Bashkinë Rrogozhine ka marrë 3 949 vota gjithsej në 53 qendra votimi.

Shifrat flasin qartë dhe me bandat nuk u mor më askush, heshti Basha, heshti Duma, heshti dhe drejtësia e cila thërriti për të zbardhur të vërtetën.

Nëse vërtet ishin ofruan banda për pazare apo ishte imagjinatë e zonjës Duma, e cila publikisht përfshiu edhe Bashën në këtë histori.

Risjellim edhe njëherë deklaratën e zonjës Duma në fillim të muajit Maj, në një emision televiziv.

?Më erdhën disa banda gjatë fushatës, nga më të ndryshmet, u vetëofruan të na sjellin pushtetin me mënyrat e tyre duke shkuar në zonat e thella duke i kërcënuar banorët.

Më thanë t?ju financojmë, por duam poste në Bashkitë gjatë zgjedhjeve lokale dhe unë shkova në zyrë dhe bëra një bisedë 3 minutëshe me Lulzim Bashën.

I thashë këta persona më kanë ofruar këtë gjë, çfarë qëndrimi do mbani ju? Dhe unë e vlerësoj shumë gjestin e atij njeriu, që vetëm me një qasje dore më tha jo. Jo absolutisht.

Unë asnjëherë nuk kam pasur dyshime, dhe asnjëherë nuk do të kem, por duhet të vija në dijeni kryetarin e partisë. Ne nuk mund të lejonim që të vinim në pushtet me këto lloj bandash. Ne jemi me kartën morale më të ndershme,? ka thënë Duma, më herët në një studio televizive./CNA.al

Krimet zgjedhore/ Pse SPAK nuk e thërret Grida Dumën?