E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Lulzim Basha tallet me demokratët/ Jam investimi juaj

3 Qershor 2021, 12:15, Politikë CNA

Kryetari i Repiublikës së re, Lulzim Basha, pas humbjes së zgjedhjeve të 25 prillit, po kërkon me çdo kusht të vijojë të mbajë karrigen e kryetarit të PD-së.

Në vend të bënte një analizë të asaj çfarë ndodhi në 25 prill, të analizonte shkaqet e humbjes, dhe të mbante përgjegjësinë e tij, Lulzim Basha shpalli një datë zgjedhjesh të brendshme, dhe vetë garon duke qënë në postin e kryetarit.

Ndërkohë, prej 19 majit, Basha vijon takimet me demokratët në degët lokale të PD-së, duke kërkuar që ta mbajnë sërish në krye të partisë, për të korrur kështu të tjera ?fitore?.

Për më tepër, sot në një takim të zhvilluar në Kavajë, Basha tha se ai është një investim i demokratëve, për tu përballur me Edi Ramën.

?Më keni qëndruar në krah në beteja e pareshtura dhe sakrificat e jashtëzakonshme të përballjes me Edi Ramën dhe regjimin e tij duke bërë kështu të mundur, pra, që jo vetëm të rrisnim e të projektonim projektin tonë politik të ndryshimit, por duke e konsideruar veten time në këtë mënyrë një insvestim tuajin duke ju patur në krah prej ditës së parë e në vazhdim në të gjitha betejat dhe në të gjitha sfidat.?-tha sot Basha.

Në fakt, Basha nuk ka faj, “betejat” kanë qënë të mëdha, dhe “fitoret” akoma më të mëdha.

Së pari, kujtojmë këtu ?fitoren? në zgjedhjet e përgjithshme parlamentare, në 2017. Pasi futi demokratët në çadër, bëri një marrëveshje me kryeministrin Edi Rama, detajet e së cilës nuk u bënë kurrë publike, mori gjysmën e qeverisë, dhe i shkaktoi demokratëve 230 mijë vota më pak, se katër vite më parë.

Më pas, korri ?fitore? të madhe, kur tradhëtoi çunat e Kukësit, në protestën kundër vendosjes së traut në Rrugën e Kombit. Trau kaloi mbi ?trupin? e Lulzim Bashës, ndërsa djemtë kuksianë përfunduan të braktisur burgjeve.

Siguroi ?fitore? të madhe në 2019, kur braktisi parlamentin, duke i lënë demokratët të papërfaqësuar.

Më pas shënoi ?suksesin? e radhës në përballje me Edi Ramën, kur bojkotoi zgjedhjet e 30 qershorit 2019, duke i dhuruar në tavolinë 61 bashkitë e vendit.

Një ?fitore? tjetër është edhe ajo për mbrojtjen e Teatrit Kombëtar. Basha kishte deklaruar se nuk do lejonte shembjen dhe se duhet të kalojnë mbi trupin e tij, nëse duan ta shembin. Por, fadromat sërish ?kaluan mbi trupin? e Lulit dhe e shemben Teatrin Kombëtar.

Për të ardhur të ?fitorja? e madhe e 25 prillit 2021, kur ashtu siç thotë edhe vetë Basha, regjimi nuk u përmbys, por beteja sapo ka filluar.

Faktet flasin vetë dhe koha e ka treguar sesa sakrifica dhe beteja të mëdha ka bërë Lulzim Basha për demokratët. Dhe nëse ai është vërtetë ?investim? i demokratëve, atëherë është investimi më i dështuar që kanë bërë. Fiks si kreditë e këqia që japin bankat./CNA.al