web counter
LEXO PA REKLAMA!

SHKARKO APP

App Store
Google Play

Diagnostikimi dhe trajtimi i suksesshëm kirurgjikal i arteropatisë periferike në Spitalin Hygeia Tiranë

2 Qershor 2021, 12:02, Lifestyle CNA

Pacienti i moshës 68 vjecare i cili prej vitesh vuante nga patologjitë kronike diabet tip-2 dhe fibrilacion atrial, paraqitet në spitalin Hygeia si rezultat i shfaqjes së plagëve në këmbën e djathtë dhe specifikisht në gishtin e 3 dhe të 4.

Pas konsultës me mjekët specialistë, pacienti u diagnostikua me arteropati periferike, patologji e cila vështirëson madje mund edhe të bllokojë plotësisht qarkullimin e gjakut në enët e ekstremiteteve të poshtme, duke shkaktuar gangrenizim të indeve përreth.

I tillë ishte edhe rasti i pacientit i cili një vit më parë kishte vendosur stent në enën e cila më pas ishte trombozuar dhe për pasojë bllokuar plotësisht.

Pacientit i rekomandohet trajtimi i problemit nëpërmjet ndërhyrjes kirurgjikale dhe specifikisht bypass i arteries femorale sipërfaqësore duke përdorur venën e pacientit si graft(midis arteries femorale komune dhe arteries tibialis posterior) si zgjidhja e vetme për revaskularizimin e saj.

Ndërhyrja u realizua me sukses nga Dr. Bledar Hodo, mjek kirurg vaskular & kardiokirurg në spitalin Hygeia.

Pacienti mund t?i rikthehet aktiviteteve ditore në një kohë mjaft të shkurtër, kjo pasi prerjet/incizionet e ndërhyrjes janë minimale.

Për t?u lidhur me Dr. Bledar Hodo, kontaktoni: 04 23 90 000





Lajmet e fundit nga