web counter
LEXO PA REKLAMA!

SHKARKO APP

App Store
Google Play

Qytetarët ndërtojnë me fondet e tyre rrugën në fshatin e izoluar të Memaliajt

1 Qershor 2021, 13:04, Sociale CNA

Fshati Zhapokikë në Memaliaj prej më shumë se shtatë dekadash vuan mungesën e një rrugë, çka bën të pamundur komunikimin me fshatrat përreth apo dhe qendrën e qytetit. Kjo ka sjellë edhe shpopullimin e zonës.

Banorët e këtij fshati kanë kërkuar prej vitesh ndërhyrjen e shtetit për këtë problematikë, por pas pritjes së gjatë, vullnetarisht ndërmorën një nismë për kontribut të përbashkët më qëllim shtrimin e rrugës kryesore.

 ?Për shkak të harresës është braktisur. Na kanë emocionuar pensionistët të cilët kanë kontribuar të gjithë pensionin e tyre për rrugën. Këtu ka pasur kontribute nga Amerika, Greqia , Kanadaja, Italia nga e gjithë bota ku kanë emigruar. Ka pasur persona që marrin ndihmë ekonomike, që kanë kontribuar për rrugën. Me vendlindjen na lidhin kujtimet pronat dhe varret. Shpresojmë shumë që ne të bëjmë diçka dhe të sensibilizohen instancat shtetërore,? ? u shpreh Bukurosh Ajdini, nismëtar për ndërtimin e rrugës.

Mungesa e një rrugë është barrë edhe për fëmijët e këtij fshati që për hir të së vërtetës numërohen me gishtat e njërës dorë.

 ?Dua dy orë të shkoj në shkollë. Rruga është shumë e keqe, këtu nuk vjen asnjë makinë. E bëjmë rrugën me këmbë, lodhemi,? ? tha një fëmijë i vogël i cili vuan në kurriz problemet e rrugës.

Rruga nuk është i vetmi hall i këtyre banorëve, të cilët shprehen se nuk kanë asnjë qendër shëndetësore për të kryer vizitat.

?Po s?kemi ne as doktor asnjë gjë. Infermieria nuk vjen se është rruga e keqe. As ujë s?kemi Të na ndihmojë shteti me ndonjë nga këto pompat. Jemi pa të ardhura, me ilaçe. Me vështirësi ja dalim,? ? u shpreh Fatime Caca, banore e fshatit.

Për problematikat në fjalë, Euronews Alabania shkoi në bashkinë e Memaliajt për të pyetur në lidhje me mungesën e investimeve jetësore në këtë zonë.

Mungesa e fondeve ishte përgjigja e dhënë nga pushteti lokal, i cili bashkë me atë qendror prej vitesh e kanë lënë në harresë këtë fshat, por edhe shumë të tjera në të gjithë territorin e vendit./euronews





Lajmet e fundit nga