web counter
LEXO PA REKLAMA!

SHKARKO APP

App Store
Google Play

Bashkia “shkel me këmbë” qytetarët/ Heq abonenë e përgjithshme për të paktën tre muaj

31 Maj 2021, 14:11, Sociale CNA

Në një periudhë normale, në fund të çdo muaji qytetarët pajiseshin me një abone të përgjithshme, ku me vetëm 1600 lekë të rinj mund të lëviznin lirshëm dhe pa pagesa ekstra në Tiranë.

Por nga nesër gjithçka do të jetë ndryshne. Bashkia Tiranë ka vendosur që të heqë abonenë e përgjithshme me të paktën tre muaj, duke rënduar seriozisht xhepat e qytetarëve.

Tirana, si qyteti më i madh e ka të domosdoshme lëvizjen me transportin publik, duke qenë se të shumtë janë ata që banesën dhe vendin e punës nuk i kanë në të njëjtin vend.

Madje, ka edhe nga ata që e kanë të nevojshme ndërrimin e dy autobuzëve. Por  mesa duket ekonomia e qytetarëve nuk është në interes të bashkisë.

Operatorët e transportit urban thonë se përdorimi i mjeteve nga qytetarët gjatë muajve që lamë pas ka kapur nivelet minimale, kjo edhe për shkak të frikës së infektimit nga pandemia e koronavirusit.

Me një abone 1600 lekëshe, çdo qytetar mund të udhëtonte në të gjitha linjat urbane të kryeqytetit, por tashmë do të duhet të përdoret vetëm ajo e linjës që kushton 1200 lekë, ose do të duhet të paguajnë biletën që kushton 40 lekë.

Pra, nëse një qytetari do i duhet të ndërrojë dy urbanë me nga 40 lekë secili do t?i duhet që në fund të muajit të paguaj mbi 4000 lekë të reja, një diferencë kjo shumë e lartë në krahasim me vlerën që kishte një abone e përgjithshme.

E thënë ndryshe, të vetmit që dëmtohen dhe varfërohen nga vendimet jo të drejta të bashkisë janë qytetarët e thjeshtë./CNA.al





Lajmet e fundit nga