web counter
LEXO PA REKLAMA!

SHKARKO APP

App Store
Google Play

E fundit!

x

Nga heqja e maskave deri tek zgjatja e orës policore/ Masat e reja anti-Covid, hyjnë në fuqi sot

1 Qershor 2021, 06:24, Lifestyle CNA

Nga dita e sotme, 1 Qershor, hyjnë në fuqi masat e reja anti-Covid, të cilat u prezantuan pak ditë më parë nga Komiteti i Ekspertëve.

Nga sot, qytetarët do të lëvizin pa maska në ambjentet e jashtme, pra nuk do të jenë të detyruar t?i mbajnë. Ndërsa ora policore nga 06.00-22.00 është shtyrë nga 06.00-23.00

Maskat do të jenë të detyrueshme vetëm në ambjentet e mbyllura, apo në vendet ku nuk mund të ruhet distanca.

Ndërsa klubet e natës do të vijojnë të mbeten të mbyllura dhe muzika do të lejohet deri në orën 22.00.

Ndërsa nga 15 Qershori, grumbullimet në ambjentet e jashtme nga 10 persona do të bëhen në 50 persona, duke respektuar rregullat e distancës sociale.

Ndryshimi i radhës i masave anti-Covid do të jetë me 1 Korrik.  Rregulli për maskat do të mbetet i njëjtë, ndërsa ora policore do të shtyhet  me një orë më shumë. Pra do te jetë nga ora 06.00-24.00.

Orari për muzikën nuk ndryshon, ora 22.00 është përcaktuar si vijë e kuqe nga ekspertët.
Gjithashtu nga 1 Korriku do të lejohen kampionatet sportive me prezencë të tifozëve me kapacitete të reduktuara deri në 30%.

Leje kanë edhe aktivitetet e teatrove, shfaqeve artistike dhe kulturore, konferencat me kapacitet të reduktuar deri ne 30% të spektatoreve apo pjesëmarrësve./CNA.al





Lajmet e fundit nga