web counter
LEXO PA REKLAMA!

SHKARKO APP

App Store
Google Play

E fundit!

x

Përlotet në studio/ Gaz Paja flet për familjen e tij

30 Maj 2021, 18:40, Lifestyle CNA

Aktori Gaz Paja ka treguar se është shumë i lidhur me familjen e tij. I ftuar në studion e Dola te Ola ai mori një videomesazh nga mbesa e tij Eni, e cila jeton në Amsterdam.

Gazi u shpreh se ajo është fëmija i parë dhe lidhja e tyre ka filluar që kur ajo ishte në barkun e të motrës dhe ka vazhduar të bëhet më e ngushtë dhe më e fortë gjatë jetës.

Në videomesazh mbesa shprehu dashurinë që ka për dajën e saj, të cilin e cilësoi si vëlla dhe e falënderoi për gjithë mbështetjen e madhe që i ka dhënë gjatë gjithë kohës.

Emocionet vazhduan për aktorin edhe kur foli për mamanë e tij, për të cilën tha se ka qenë dhe është një njeri shumë praktik dhe shumë aktiv, edhe sot që është në moshë të thyer. Ai tha se fakti pse familja është kaq e lidhur është meritë e mamasë së tij. Aktori rrëfeu se e ka peng që për shkak të vrullit të punës ndonjëherë nuk kalon kohë sa duhet me ta.

Ai shtoi se që nga fillimi i pandemisë prindërit i ka takuar më rrallë pasi ata janë larguar nga Tirana, dhe po jetojnë në Orikum ku kanë një shtëpi të vogël./ CNA.al





Lajmet e fundit nga