E fundit!

18:07 Aktualitet

Komisioni i Reformës Zgjedhore kërkon shtyrjen e afatit të punës

Komisioni i Posaçëm i Reformës Zgjedhore ka bërë kërkesë K...

Kishin 5 vite pa shkuar në Kishë, por u vetëflijuan/ Prokuroria mbyll çështjen e familjes Josifi

29 Maj 2021, 15:55, Aktualitet CNA

Prokuroria e konsideron të mbyllur çështjen e historisë së trishtë të ?vet-flijimit? të Zhaneta dhe Anisa Josifi në korrik të vitit të shkuar.

Në konkluzionet e hetimit çështja konsiderohet e pushuar pasi nuk ekziston fakti.

Zhaneta dhe Anisa Josifi e kanë kryer aktin e vetëflijimit me vullnetin e tyre.

Në raportin 8 faqesh të prokurorit i cili bazohet në akt-ekspertime , thuhet se: Anisa vdiq nga mos ngrënia, në stadin e mumifikimit të plotë, ndërsa nëna e saj 6 muaj më vonë, nga infarkti akut.

Në vendim thuhet se në asnjë rast nuk janë konstatuar se persona të tretë kanë ndikuar në aktin sublim. Në aparatet celularë nuk janë gjetur komunikime me persona të tjerë, madhe viktimat nuk kanë lejuar askënd të futet në banesë.

Madje rezultoi se gjatë periudhës së riteve që do çonin në vdekje dhe ringjallje, nuk kanë frekuentuar asnjë objekt fetar e po ashtu në banesën e tyre nuk janë parë përfaqësues të komunitetit fetar .

Deklarimet në prokurori të Blerta Josifit që i mbijetoi këtij akti, kanë çuar prokuroret në konkluzionin se familja Josifi, e kanë kryer me vullnetin e lirë pa u ndikuar nga askush.

?Arsyeja se përse e kanë mbajtur motrën ka qenë prej vegimeve dhe besimit në Zot, që ato kishin dhe se ajo do të ringjallej?, ka thënë ajo.

Ndërsa e ëma Xhaneta Josifi ndërroi jetë në datë 2 korrik të 2020.

Blerta dëshmon se të treja kishin besimin e madh në Zot dhe ishin pjesë e Kishës Ungjillore por pavarësisht kësaj prej 5 vitesh nuk e frekuentonin më.

Blerta Josifi dëshmoi se motra e saj, Anisa , përpara se të ndërronte jetë kishte qëndruar rreth 52 ditë pa ngrënë e pa pirë dhe pas vdekjes ato nuk kanë njoftuar askënd por vazhduan ta mbanin trupin e pa jetë prej 15 muajsh në banesë. Madje Blerta me të ëmën e saj Zhanetën mendonin se nëse do të bënin një sakrificë, Anisa do të rikthehej në jetë.

Marsi 2020 do të ishte muaji i agjërimit dhe sakrificës për të rikthyer motrën e vdekur në jetë.

Ajo tregon se Zhaneta ka vdekur duke u lutur.

?U ul në gjunjë për tu lutur dhe më pas nuk reagoi më?, u shpreh ajo.

E mbijetura tregon se Anisa përpara se të vdiste ishte pushtuar nga demonët dhe në asnjë rast nuk mori ndihmë mjekësore pas krizave të nervave që kishte pësuar. Për këtë në dijeni ishte vetëm nëna e saj./ CNA.al