web counter
LEXO PA REKLAMA!

SHKARKO APP

App Store
Google Play

E fundit!

x

Pazaret e drogës ‘përgjakin’ vendin, gjashtë vrasje në tri javë

24 Maj 2021, 14:33, Kronika CNA

Përfshirja në trafikun e narkotikëve dyshohet të jetë shkaku i vrasjes së Delion Troqes në Vlorë mbrëmjen e së premtes. 38-vjeçari, një emër i njohur për drejtësinë, prej pak ditësh ishte kthyer në vendin e lindjes nga Spanja ku hetuesit kanë dyshime se ishte përfshirë në veprimtari kriminale, çka i shkaktoi dhe eliminimin fizik që sipas grupit hetimor është finalizuar nga vrasës me pagesë.

Vrasja e Troqes pak ditë më parë do të shënonte ngjarjen e gjashtë kriminale në vend në harkun kohor të 3 javëve të para të muajit maj, ose 5 më shumë se për të njëjtën periudhë të vitit 2020. Vlora dhe Shkodra janë qytetet që kanë prodhuar më së shumti kriminalitet në këto javë. Në qytetin bregdetar 10 ditë përpara eliminimit të 38-vjeçarit Delion Troqe do ekzekutohej Bledar Birçaj, i cili gjithashtu pak ditë përpara se të vritej ishte kthyet nga Spanja. Për këtë ngjarje hetuesit ende nuk kanë rënë në gjurmët e autorëve.

Të njëjtin fat si dy vlonjatët do të kishte dhe Everest Çaka në Elbasan gjithashtu i sapo kthyer nga Belgjika që u vra mbrëmjen e 11 majit nga autorë ende të paidentifikuar po për të cilët ashtu si në ngjarjet kriminale në Vlorë hetuesit dyshojnë se bëhet fjalë për vrasës me pagesë. Këto ngjarje por edhe shumë të tjera që regjistrohen në vend sipas ekspertëve kanë vetëm një shkak prishjen e pazareve të drogës përtej kufijve shqipfolëse.

Referuar shifrave për periudhën janar-maj të këtij viti në vend janë shënuar 24 ngjarje kriminale me 24 viktima ose 4 viktima më shumë krahasuar po me të njëjtën periudhë të 2020./euronews





Lajmet e fundit nga