web counter
LEXO PA REKLAMA!

SHKARKO APP

App Store
Google Play

Jupi: Penalltia ishte, por është e rrezikshme si e dha. Unë nuk do e jepja në një ndeshje të tillë

23 Maj 2021, 07:57, Sport CNA

Redi Jupi u shtohet zërave që mendojnë se Enea Jorgji ka marrë vendimin e duhur, pasi prekja me dorë e Belicës ishte penallti për Vllazninë. Por ish-futbollisti ka shpjeguar në ?Zona Gol? se mënyra se si u mor vendimi ishte shumë i rrezikshëm dhe argumentoi pse një penallti e tillë kaq e diskutueshme, nuk duhet të ishte ajo që përcaktonte fatin e titulli kampion.

?Me instinkt e dinamike, kush ka luajtur futboll e kupton që aty duhet ët kesh zmadhuar sipërfaqen që të thuash penallti. Jorgji nuk ka luajtur futboll. Se nëse bie në hije, nga pamjet përballë dukej dora e ngritur, pamja nga mbrapa tregonte që krijohej dritë mes krahut e trupit, e pastaj është penallti.

Por ka dy momente që duhen ndarë. Është procedura se si arrihet. Ishte apo nuk ishte penallti, u intereson dy skuadrave dhe mbase Teutës e Laçit, por dhënia e vendimit të duhur i intereson këtyre dhe gjithë publikut. Të marrësh një minutë e gjysëm kohë për të marrë një vendim, ku ti sensacionin  e ke që në të qindtën e parë të sekondës?

Në fund u dha një vendim i drejtë, edhe pse me vonesë, por e rrezikshme është se si është dhënë. Nëse atë e ka parë, e ka parë vetëm Enea Jorgji, konsultimi me arbitrin e linjës ka qenë nul.

Një penallti të tillë nuk do e jepja në një ndeshje si kjo. Do të dëshiroja diçka më të plotë për të ndarë këtë ndeshje se që të ngelet tani fati i katër skuadrave që është një pamje kështu e është një pamje ashtu??, tha Jupi.

 





Lajmet e fundit nga