web counter
LEXO PA REKLAMA!

SHKARKO APP

App Store
Google Play

E fundit!

x

Hapet Kapshtica/ Rregullat për punonjësit sezonalë, kalojnë 400 persona në ditë

22 Maj 2021, 07:24, Sociale CNA

Pas gjashtë muajsh e mbyllur, autoritetet tashmë kanë njoftuar hapjen e Doganës së Kapshticës, për të gjithë punëtorët sezonalë që do të duan të shkojnë në Greqi.

Policisë Kufitare Kapshticë njofton se do të lejohet kalimi i 400 personave në ditë në orarin 08:00-16:00

Ndërkohë mësohet se punëtorët sezonalë që duan të ikin drejt Greqisë duhet të plotësojnë formularin e regjistrimit dhe do u bëhet testi në kufi.

Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare se duke filluar nga dita e sotme, deri në datën 31.05.2021, nga ora 08:00-16:00, do të lejohet hyrja e shtetasve shqiptarë në drejtim të Greqisë, të cilët mbajnë statusin e punëtorit sezonal.

Këta shtetas më parë, do t’i nënshtrohen një testi të shpejtë COVID-19, në Pikën e Kalimit Kufitar Kapshticë. Sqarojmë se kuota ditore e pranimit është 400 persona, të cilët gjithashtu duhet të plotësojnë formularin e regjistrimit PLF në adresën http://www.travel.gov.gr dhe pasi të kenë marrë konfirmimin, mund të lejohen që të hyjnë në tokën greke. Asnjë kategori tjetër nuk do të lejohet të hyjë drejt Greqisë (shërbim taxi, mjete të tonazhit të rëndë apo shtetas me leje qëndrimi, shtetas grekë apo evropianë të tjerë).  Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve”, thuhet në njoftimin e policisë.





Lajmet e fundit nga