web counter
LEXO PA REKLAMA!

SHKARKO APP

App Store
Google Play

E fundit!

x

Olsian Çela kërkesë në ILD/ Të nisin hetimet për tre prokurorët e Dibrës dhe drejtuesin

21 Maj 2021, 07:39, Aktualitet CNA

Kryeprokurori Olsian Çela ka bërë një kërkesë në ILD, ku ka kërkuar të nisin hetimet për tre prokurorë të Dibrës dhe drejtuesin e tyre.

Çela ka kërkuar të hetohet se si e ka ushtruar detyrën kreu i Prokurorisë Dibër, Rifat Kojku.

Gjithashtu ai thotë se duhet të nisin hetimet edhe për dy prokuroret e Dibrës, Belina Zeneli dhe Xhoana Mehmetaj pasi kanë kryer shkelje individuale.

“Prokurori i Përgjithshëm z. Olsian Çela bazuar në ligjin nr. 97/2016 ?Për organizimin dhe funksionimin e Prokurorisë në Republikën e Shqipërisë?, në datën 21.05.2021 i ka kërkuar Inspektorit të Lartë të Drejtësisë nisjen e procedurës së inspektimit për hetimin e shkeljeve individuale të kryera në ushtrimin e detyrës për prokuroren Belina Zeneli dhe prokuroren Xhoana Mehmetaj në Prokurorinë pranë Gjykatës së Shkallës së Parë Dibër pasi janë konstatuar veprime të cilat mund të përbëjnë zvarritje të rëndë të veprimtarisë procedurale, si dhe shkelje të dispozitave ligjore urdhëruese të Kodit të Procedurës Penale. Pjesë e këtij inspektimi kërkohet të jetë dhe veprimtaria drejtuese e drejtuesit të prokurorisë Rifat Kojku, për mënyrën se si janë ushtruar kompetencat e dhëna nga ligji Nr 97/2016, në lidhje me masat e marra nga ana e tij, për të parandaluar situatën e krijuar në Prokurorinë e Rrethit Gjyqësor Dibër.

Prokurori i Përgjithshëm mbështet të gjitha nismat që kontribuojnë në mirëfunksionimin e shërbimit të prokurorisë në të gjitha nivelet, duke synuar rritjen e llogaridhënies dhe përgjegjshmërisë së magjistratëve prokurorë gjatë ushtrimit të detyrës dhe zhdukjen e kulturës së pandëshkueshmërisë brenda institucioneve të drejtësisë“, thuhet në kërkesën e Çelës për ILD./ CNA.al





Lajmet e fundit nga