web counter
LEXO PA REKLAMA!

SHKARKO APP

App Store
Google Play

Skënderbeu mund të vuajë mungesën e Mensah sot ndaj Laçit

13 Maj 2021, 08:45, Sport CNA

Skënderbeun e pret një tjetër malore e fortë, këtë herë në transfertë kundër Laçit sot në orën 16:00. Korçarët kanë arritur të marrin një barazim 1-1 në fazën e dytë në fushën e kurbinasve, por tashmë jemi në një prej momenteve më delikate dhe të dyja skuadrat luajnë fatet e sezonit, teksa Skënderbeu kërkon të mbijetojë, ndërsa Laçi të sulmojë titullin.

Bardhekuqtë kanë një moral të lartë pas pikës së marrë ndaj Partizanit, por situata nuk është edhe aq e qetë për trajnerin Migen Memelli. Ky i fundit ka preferuar të mos prononcohet për sfidën me kurbinasit, ndërkohë që ?Panorama Sport? mëson nga burime të sigurta se trajneri ka një dilemë të madhe në prag të takimit. Bëhet fjalë për sulmuesin kryesor, Alfred Mensah.

Në seancën e së mërkurës ganezi ka marrë një goditje në kavilje, duke alarmuar stafin. Menjëherë, ai ka lënë stërvitjen në mes dhe kjo ka prishur jo pak planet e Memellit, pasi ndryshon komplet filozofinë dhe interpretimin e këtij takimi nga ana e Skënderbeut.

Gjithsesi, edhe pse nuk bëhet fjalë për një mungesë të sigurt, Mensah është në dyshim të madh për këtë ndeshje. Stafi mjekësor është duke bërë të pamundurën për rikuperimin në kohë të lojtarit, i cili kërkon të mos e humbasë këtë takim.

Ai është gati të shtrëngojë dhëmbët, por kjo mund të jetë thikë me dy presa, edhe pse çdo gjë do të mësohet në momentin kur ekipi të dalë sot në nxehmje. Memelli do të presë sulmuesin deri në momentin e fundit dhe gjasat janë që Skënderbeu të fillojë nxehmjen në Laç me 12 lojtarë.





Lajmet e fundit nga