web counter
LEXO PA REKLAMA!

SHKARKO APP

App Store
Google Play

Luhet sot java e 33-të e Superiores, ja sfidat dhe oraret

13 Maj 2021, 07:57, Sport CNA

Ditën e sotme do të luhet java e 33 e Kategorisë Superiore, e cila ofron shumë duele që do të rezultojnë vendimtare në këtë fund sezoni. Kështu, vëmendja maksimale do të jetë në Air Albania, aty ku Partizani pret Tiranën.

Të kuqtë luftojnë për titullin, ndërsa nga ana tjetër, Tirana është në një formë të mirë dhe në rast fitoreje mund të pretendojë edhe më shumë se thjesht kualifikimin në Europë. Ndërkohë, kryesuesit e Teutës janë në një provë të madhe në Kamëz, ndaj Kastriotit. Durrsakët i pret një luftë e fletë sportive, pasi krutanët janë të rrezikuar për të rënë një kategori më poshtë. Sakaq, Laçi pret në shtëpi Skënderbeun.

Të besuarit e trajnerit Shpëtim Duro nuk kanë hequr dorë nga titulli dhe luajnë vetëm për fitore, por korçarët janë në rritje dhe në kërkim të pikëve për mbijetesen që tashmë duket më pranë. Ndërkaq, Bylis pret në shtëpi Vllazninë. Ballshiotët për momentin janë të rënë një kategori më poshtë, ndaj në ahtëpi do të kërkojnë me patjetër tre pikët. Nga ana tjetër, Vllaznia nuk ka hequr dorë nga pretendimet e saj për titull, edhe pse kualifikimi në Europë është objektivi i parë dhe ende nuk është siguruar.

Ndeshja tjetër është ajo mes Apolonisë dhe Kukësit. Fierakët kanë pak shpresa për mbijetesën dhe sot mund të rrëzohen matematikisht, ndërsa Kukësi duket në një zonë të sigurtë dhe një fitore tjetër do të bënte që t?i konsolidonte pozitat në mesin e tabelës.

Ndeshjet:

16:00 Apolonia-Kukësi
16:00 Bylis-Vllaznia
16:00 Kastrioti-Teuta
16:00 Laçi-Skënderbeu
19:00 Partizani-Tirana





Lajmet e fundit nga