web counter
LEXO PA REKLAMA!

SHKARKO APP

App Store
Google Play

E fundit!

x

Kukësi ka në dorë fatet e sezonit në Superiore

12 Maj 2021, 13:22, Sport CNA

Fitorja e fundit ndaj Vllaznisë hoqi përfundimisht hijet e frikës së mbijetesës në kampin kuksian, pasi 4 javë nga fundi thuajse skuadra e ka siguruar qëndrimin dhe tani do të vijojë ta respektojë kampionatin deri në fund. Vetëm një fitore nuk e zhbën dot dështimin për këtë vit, por të paktën skuadra shmangu një dështim akoma më spektakolar, sepse nga ekipi më i kuotuar për të fituar titullin, mund të binte edhe nga kategoria. Tani, kuksianët janë ata që kanë në dorë edhe ekipet që mund të mbijetojnë, pasi luajnë me katër skuadrat e fundit.

MBIJETESA ? Pasi mbylli pa sukses pesë ndeshjet e para me ekipet që luftonin për titull, ku koleksionoi vetëm 4 pikë nga 15 të mundshme, tani do të luajë edhe me 4 ekipet që luftojnë për mbijetesë. Në fakt, për luftën për titull, kuksianët patën ndikimin e tyre, sigurisht në aspektin sportiv, pasi barazimi ndaj Tiranës dhe fitorja ndaj Vllaznisë, praktikisht i nxori këto dy skuadra jashtë garës për titull. Madje, nuk munguan as aludimet se verilindorët nuk patën të njëjtën paraqitje ndaj të gjitha ekipeve pretendente. Sërish ekipi i Josës vihet para një tjetër ?përgjegjësie? jo të vogël, duke parë se sa e ethshme është bërë gara për qëndrimin në elitë.

Çdo rezultat në ndeshjet e tyre, duke përjashtuar disi Apoloninë, mund të vendosë se cila skuadër mund të bjerë nga Superiorja. Për këtë arsye, vërtet ekipi i Josës nuk e ka më presionin e pikëve, por ka presionin për të luajtur fort ndaj kujtdo dhe të mos ?përlyhet?. Kastrioti, Bylisi dhe Skënderbeu luajnë për të paktën dy vende, një për ?play out? dhe tjetri që të shpëton përfundimisht nga rënia. Mbijetesa e tyre kalon pikërisht nga Kukësi, pasi për momentin janë e vetmja skuadër që nuk luan për asgjë këtë kampionat, por vetëm për prestigj. Për këtë arsye, të tria këto ekipe do të tentojnë t?i marrin maksimumin, duke shpresuar pse jo edhe te mosimpenjimi maksimal i tyre.





Lajmet e fundit nga