web counter
LEXO PA REKLAMA!

SHKARKO APP

App Store
Google Play

E fundit!

x

"Do të sillja në jetë një vajzë”/ Rrëfehet 25 vjeçarja: Bashkëshorti nuk e donte, më tradhtoi

9 Maj 2021, 14:34, Lifestyle CNA

E ftuar në rubrikën ?Ka një mesazh për ty? tek E Diela Shqiptare ka qenë Rezi 25 vjeçarja nga qyteti i Kuçovës e cila tregoi se është martuar që në moshë të vogël dhe sipas saj, martesa u kthye në një makth. Ajo shprehet se në momentin që bashkëshorti mësoi që ajo do të sillte në jetë një vajzë dhe jo një djalë siç ai e dëshironte nuk kishte interes për të.

Më tej, Rezi shton se ai ka tradhtuar dhe sipas saj, kjo ka qenë arsyeja kryesore pse është ndarë nga ai.

Rezi: Kur bëra dasmën isha 4 muajsh e gjysmë shtatzënë me vajzën, Rean. Filluan keqkuptimet, debate, dhuna psikologjike dhe fizike.

Ardit Gjebrea: Ti ke treguar që bashkëshorti e donte djalë dhe kur mori vesh që ishte vajzë, filloi të mos kishte interes, e vërtetë?

Rezi: Nuk e donte, kur e kemi mësuar kemi qenë tek doktoresha dhe është larguar direkt nga dhoma që po bëja ekon. Më pas në 17 Shtator sjell në jetë Rean me vendosmërinë time, sepse nga muaji i tretë deri në muajin e nëntë kam qenë e shtruar në spital, kam dalë vetëm dy javët e dasmës dhe kam qëndruar në shtëpinë e prindërve të mi.

Ardit Gjebrea: Pse u ndave nga ish-bashkëshorti?

Rezi: Kanë qenë shumë arsye, dhuna, mospërputhja e karaktereve, derisa mësova që ish-bashkëshorti më tradhtonte. Nuk e kam parë me sytë e mi, por kam pasur fakte, prova dhe në momentin që e kam pyetur në fillim si çdokush e mohoi, por më pas tha që unë atë femër e dua. Kur e pyeta pse u martove me mua, tha që kam dhe unë të drejtën që të kem një familje. Fëmijën e mendove i thashë? Fëmija nuk ka ardhur me dëshirën time në jetë, thjesht se ma kërkoi mami. Këto ishin fjalët e tij. Më tha nëse më pranon kështu rri, nëse s?më pranon më tregoi derën. /CNA.al

 





Lajmet e fundit nga