web counter
LEXO PA REKLAMA!

SHKARKO APP

App Store
Google Play

E fundit!

x

Ilir Meta në krah të Luan Dacit/ Skandali me Komisionerin e Vettingut përkrahet nga Presidenti

7 Maj 2021, 07:06, Aktualitet CNA

Luan Daci, sot duhej të ishte zëvendësuar në Kolegjin e Posaçëm të Apelimit. Por, ende nuk është ndërmarrë asnjë procedurë për ta zëvendësuar  në KPA.

Kujtojmë se Daci, dënua me 6 muaj burg nga Apeli i GKKO dhe u konvertua në shërbim prove, pasi SPAK zbuloi se kishte falsifikuar dokumentet, kur kandidoi për në KPA.

Pas dënimit ai vijoi të shkonte në zyrë sikur mos të kishte ndodhur asgjë, me shoqërues e me të gjitha përfitimet që ka një komisioner Vettingu, por, raportimet në media e bënë që të ndalen.

Procedurat për zëvendësimin e Dacit, duhej të kishin nisur nga Presidenti Ilir Meta, por ky i fundit është shumë i zënë, duke bërë kryetarin e LSI-së dhe duke bërë veprime në tentativë, për t?i shpëtuar drejtësisë, siç thotë së fundmi mazhoranca.

Sipas ?Ligjit për rivlerësimin kalimtar të gjyqtarëve dhe prokurorëve në Republikën e Shqipërisë?, është  detyrë e Presidentit të Republikës së Shqipërisë, që tek ne është Ilir Meta, që duhet të hapë garën për zëvendësimin e Luan Dacit.

?Presidenti i Republikës shpall menjëherë thirrjen për paraqitjen e shprehjes së interesit për pozicionet e të gjithë anëtarëve të institucioneve të rivlerësimit në faqen zyrtare të internetit, si dhe në dy gazeta me tirazhin më të lartë në vend. Thirrja për paraqitjen e shprehjes së interesit përmban afatin, brenda të cilit duhet të dorëzohet shprehja e interesit, adresën postare ku duhet të dorëzohet dhe listën e dokumenteve që duhet të shoqërojnë atë?, thuhet në nenin 7, pika 1, të Ligjit Nr. 84/2016.

Ka dy muaj që vendimi i dhënë nga Apeli i GJKKO, për Luan Daci është në fuqi, pasi ka qenë i formës së prerë.

Dhe gjithashtu ka dy muaj, që KPA është me 6 anëtarë dhe Luan Daci që ishte i shtati, duhej të ishte zëvendësuar.

Nga ana tjetër Ilir Meta, shkel hapur Kushtetutën, duke mos bërë detyrën për të cilën thirret ligjërisht.

Në këtë mënyrë Meta, rreshtohet krah Luan Dacit, që u dënua nga drejtësia, duke mos hapur procedurat për zëvendësimin  e tij.

Nëse Ilir Meta do të bënte punën e Presidentit, dhe jo rolin e kreut të LSI apo kryetarit të Opozitës, procedurat për zëvendësimin e Luan Dacit duhej të ishin hapur.

Por, Meta duket se i do në krah të tij, problematikët e drejtësisë, mbase ndonjë ditë do t?ia shpërblejnë duke bërë avokatin e tij, kur ai të përballet me drejtësinë, ashtu siç po thotë mazhoranca.

Kujtojmë, se mazhoranca ka nisur procedurat për shkarkimin e Ilir Metës, madje ata shkojnë edhe më tej, duke thënë se do ta padisin penalisht dhe se me Ilir Metën do të merret SPAK-u./CNA.al





Lajmet e fundit nga