web counter
LEXO PA REKLAMA!

SHKARKO APP

App Store
Google Play

Votimi elektronik/ Celibashi: Do hetohet kush ka vendosur gishtin më shumë se një herë

6 Maj 2021, 09:46, Aktualitet CNA

Komisioneri Shtetëror i Zgjedhjeve Ilirjan Celibashi ka vëzhguar ditën e sotme transferimin e të dhënave nga aparaturat e identifikimit elektronik në serverin e KQZ-së.

Në një deklaratë për mediat Celibashi reagoi lidhur me pretendimet e ngritura për votim të pa rregullt për sa i përket votimit elektronik që u aplikua në njësinë nr.10 në kryeqytet.

Sipas tij, do të hetohet për personat që e kanë vendosur gishtin më shumë se një herë dhe do të japin llogari. Gjithashtu Celibashi shtoi se ka pasur raste që janë verifikuar por kanë qenë gishtat e operatorëve.

?Qëllimi i pajisjes ishte të regjistronte gjurmët e gishtave të votuesve, ata të cilët kanë dashur ta provojnë për sport e kanë vendosur gishtin disa herë në pajisje do të evidentohen qartësisht dhe do të japin llogari para organeve. Ata të cilët kanë thënë që pajisja nuk ka funksionuar pajisja ka funksionuar shumë mirë. Qëllimi ka qenë të evidentonte shenjat e gishtit të votuesve.

Duhet të shohim numrin total të personave që kanë shënuar më shumë se një herë në këto pajisje, ky numër në raport me raport me rezultatin do të ketë një shqyrtim nga KQZ.

Ata persona do të duhet të japin shpjegime, do hetohet dhe verifikohet. Ka pasur raste dhe shumica e rasteve i përket gjurmës së gishtave të operatorëve, ndoshta jo mirë të trajnuar kanë menduar se nuk do ishte problem nëse e vendosin gishtin disa herë.

Nëse do të jetë kështu do të jemi të rastit të janë problem teknik, por me siguri absolute mundet të themi se në rastet kur dikush tjetër e ka vendosur gishtin në më shumë se 1 herë është i detyruar të japi shpjegime, sa më shumë video të tilla të shfaqen aq më shumë do të ndihmojnë hetimin?, u shpreh Celibashi./ CNA.al





Lajmet e fundit nga