E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

Fakte dhe shifra/ Votat e pavlefshme rrëzojnë pretendimet e PD

7 Maj 2021, 09:38, Politikë CNA

Kanë kaluar 12 ditë kohë, nga zgjedhjet e 25 Prillit, kur Partia Socialiste fitoi mandatin e tretë, me 94 mandate për të qeverisur vendin.

Pas humbjes, PD, e cila arriti të marrë vetëm 59 mandate, po ngre lloj-lloj pretendimesh duke tentuar të justifikojë dështimin.

Strehë justifikimi, Lulzim Basha po kërkon tek votat e pavlefshme, duke gënjyer dhe mashtruar demokratët se gjoja kanë fituar. Por, edhe votat e pavlefshme nuk e nxjerrin fituese PD edhe nëse rinumërohen, të paktën në pesë qarqet kryesore të vendit.

Në rang kombëtar janë 1.578.00 vota të vlefshme dhe 83 mijë vota të pavlefshme. CNA.al sjell një analizë të detajuar të votave të pavlefshme në disa prej qarqeve, duke u bazuar nga të dhënat e publikuara nga KQZ.

Le t?i analizojmë një nga një të gjitha qarqet.

Në Tiranë, diferenca mes PS dhe PD është me rreth 44 mijë vota, ku sipas KQZ të pavlefshme janë 18 mijë vota.

Diferenca është e madhe dhe duke ecur me një përqindje mesatare të votave të pavlefshme 50 me 50 nuk prodhon mandat për PD.

Në Elbasan, diferenca mes PS dhe PD është 29 mijë vota. Partia Socialiste për 66 vota merr mandatin e nëntë. Të pavlefshme janë 9.771 vota ku për 66 vota PS merr mandatin e nëntë.

Probabiliteti i votës së pavlefshme është i përafërt me përqindjen e fituar nga forca politike që do të thotë që në shumë qarqe nuk ka asnjë surprizë.

Në Fier, diferenca mes PS dhe PD është 27 mijë vota përpara PS. 9.300 vota të pavlefshme.

Edhe këtu duket se nga diferenca e palëve në garë nuk ka mandat shtesë për PD.

Në Durrës, diferenca është me 16.500 vota, përpara është Partia Socialiste. 7808 vota janë të pavlefshme. PD lufton që LSI të marrë një mandat nga PS.

Për më shumë se 2.300 vota LSI mund të tentojë të marrë mandat, por në numërim nuk ka pasur asnjë kontestim gjatë procesit.

Në Berat, diferenca është me 19 mijë vota para PS.

PD kërkon të hapë kutitë me shpresën se LSI, pra Ardit Çela të marrë mandatin, ku pretendon për gati 300 vota.

Në Korçë mes PS dhe PD diferenca është me 10 mije vota, ku kryeson Partia Socialiste. 7.375 vota janë të pavlefshme.

LSI duhet të ketë edhe 1 mijë vota plus të marrë mandat shtesë nga PS. Kjo është e pamundur.

Te vetmet kontestime në numërim janë midis kandidatëve brenda koalicionit PD-Aleanca për Ndryshim, pasi numëruesit i vishnin votat njëri-tjetrit.

Legjenda e votave të pavlefshme në një anlizë të thjeshtë duke u bazuar tek përqindjet që morën partitë apo edhe duke i ndarë 50 me 50 nuk i sjell asnjë mandat PD, diku pretendon LSI si në Berat e Durrës ndërsa PS pretendon një mandat në Elbasan./ CNA.al