web counter
LEXO PA REKLAMA!

SHKARKO APP

App Store
Google Play

“Partinë e mbante gjallë karizma e Berishës”/ Kikia: PD duhet ristartuar

6 Maj 2021, 20:42, Politikë CNA

Gazetari Mentor Kikia është shprehur se ikja e ish-kryeministrit Sali Berishës nga lidershipi i Partisë Demokratike u quajt një gjë normale, por sipas tij ai ishte njëlloj si shoku që pësoi populli kur vdiq Enver Hoxha.  Ai shton se gabimi i opozitës ishte që në vend që të ristartohej po  kërkonte .

?Me të mirat dhe të këqijat e veta, Partinë Demokratike e mbajti gjallë karizma e Sali Berishës. Kur Berisha vendosi të largohet, ishte si ai shoku që pësoi populli kur vdiq Enver Hoxha. Në PD kjo u quajt si diçka normale, por nuk ishte.

Nuk mundej që lidershipi i ri të trashëgonte pushtetin e Berishës. Berisha duhet të ishte hequr mënjanë sepse në vitin 2013 njerëzit e përzunë Berishën. Dhe kur partia kaloi në opozitë, ajo mendoi se gjithçka ishte harruar. Por, njerëzit mbajnë mend. PD-ja duhej ristartuar dhe në vend që të bënte këtë, kërkoi pushtet menjëherë?, tha Kikia.

Më tej, në një intervistë për A2CNN gazetari shprehet se në këto momente të gjithë duan të jenë kryetarë të PD, por harrojnë që duhet të jesh lider.

?Tani, në PD duan të bëhen të gjithë kryetarë, por harrojnë që kryetari duhet të jetë lider, të prodhojë energji dhe frymëzim. PD-ja duhet të hapë garën për njerëz që mund ta bëjnë punën e kryetarit?, u shpreh Kikia./CNA.al





Lajmet e fundit nga