web counter
LEXO PA REKLAMA!

SHKARKO APP

App Store
Google Play

E fundit!

x

Ministrat e G7 mblidhen në Londër/ Mbështesin hapjen e negociatave me Shqipërinë dhe Maqedoninë e Veriut

6 Maj 2021, 15:20, Politikë CNA

Ministrat e Jashtëm dhe të Zhvillimit të G7 dhe Përfaqësuesi i Lartë i Bashkimit Evropian Joseph Borrel, kanë dalë në një deklaratë të përbashkët për Ballkanin Perëndimor.

Ata kanë shprehur edhe njëherë vendosmërinë e tyre për të ndihmuar vendet në rrugën e tyre të integrimit.

?Ne mbështesim hapjen e negociatave të pranimit në Bashkimin Evropian me Shqipërinë dhe Maqedoninë e Veriut?, thuhet në deklaratën e ministrave të G7.

Ministrat  në fjalën e tyre kanë theksuar rëndësinë e ndërmarrjes së reformave të nevojshme për sundimin e ligjit, luftën kundër krimit të organizuar, financave të paligjshme dhe korrupsionit. Ndërkohë që është vlerësuar edhe Minishengeni ballkanik.

?Ne mbështesim progresin e mëtejshëm në bashkëpunimin rajonal veçanërisht përmes Tregut të Përbashkët Rajonal, Agjendës së Gjelbër për Ballkanin Perëndimor dhe Procesit të Berlinit.?

Për stabilitetin në Ballkanin Perëndimor, ministrat kanë theksuar nevojën e vazhdimit të dialogut Kosovë-Serbi të ndërmjetësuar nga BE dhe kanë reaguar kundër çdo teorie për ri përcaktim të kufijve.

?Spekulimet e pajustifikuara rreth ndryshimeve të kufijve në bazë të etnisë nuk është zgjidhje për sfidat me të cilat përballet rajoni. Ndryshime të tilla do të përbëjnë një kërcënim për sigurinë rajonale?, thuhet në deklaratën e ministrave.

 





Lajmet e fundit nga