web counter
LEXO PA REKLAMA!

SHKARKO APP

App Store
Google Play

E fundit!

x

“I mungon burrëria politike”/ Topi: Pas buzëqeshjes së stampuar të Bashës ka hipokrizi

6 Maj 2021, 20:41, Politikë CNA

Ish-presidenti Bamir Topi, ka kritikuar ashpër kryetarin e Partisë Demokratike Lulzim Basha, për humbjen e thellë të opozitës në zgjedhjet parlamentare.

Topi nuk fajësoi vetëm kreun e opozitës për humbjen, por drejtoi gishtin edhe nga ish-kryeministri Sali Berisha, i cili katapultoi Bashën në krye të PD-së.

Sipas tij, pas buzëqeshjes artificiale që Basha ka të stampuar në fytyrë, ka shumë hipokrizi. Ai deklaroi në emisionin “Dekalog” se kreut të PD i mungon burrëria politike.

?Unë mendoj që problemi kryesor në atë parti është përtej z.Basha. Unë e njoh raportin e ish-kryetarit me kryetarin e ri, dhe përveç buzëqeshjes në fytyrë ka brenda shumë hipokrizi. Unë e kam thënë në 2013 që ai s?do marrë asnjë trofe. Problemi është i riaktiziuar në PD. Çfarë më bën përshtypje është një nxitim i njerëzve aty për të thënë ik.

 Njerëzit që janë shprehur askush nuk ka prekur atë që është dominanti në atë parti, dhe dominanti është Sali Berisha. Ata që kërkojnë dorëheqjen e tij kanë parë te ai atë mungesën e burrërisë politike, që ai nuk e ka. Të gjithë në PD njohin faktin që mund të kesh shumë të drejtë, por në fund strukturën dhe rezultatin e vendos lidershipi. Si nuk pashë një njeri të thotë ?këtu është dora e Sali Berishës?. Do kurajo kjo gjë”, theksoi ish-presidenti./ CNA.al





Lajmet e fundit nga