Shqipëria humbi për së dyti “Petro Ninin” e saj/ Kryeveprat e kolosit Guljelm Radoja

5 Maj 2021, 08:15, Kulturë CNA

Shqipëria humbi për së dyti “Petro Ninin” e saj. Aktori i madh i kinematografisë shqiptare, Guljelm Radoja, ka humbur jetën pasi ishte i infektuar me Covid-19. Pas një beteje shumë të gjatë me virusin, aktori nuk arriti dot të mbijtonte duke lënë pas një pikëllim të madh dhe veprat e tij të paharrueshme.

?Kush vdes në këmbë? mbetet një nga ikonat e kinematografisë shqiptare ku Guljelmi dha shpirtin e tij për të sjellë në dritë rilindasin, patriotin Petro Nini Luarasi.

Pak histori nga jeta e Gulielm Radojës.

Guljelm Radoja ka lindur në 2 korrik të vitit 1945 në qytetin e Shkodrës. Pas përfundimeve studimeve të larta në Institutin e Lartë të Arteve për Dramaturgji në vitin 1972, fillon punën si aktor profesionist në Teatrin e Librazhdit.

Më pas largohet nga ky teatër për të punuar si aktor dhe regjisor pranë Teatrit “Bylis” të qytetit të Fierit dhe më pas si aktor në Teatrin “Aleksandër Mojsiu” në Durrës. Ndër interpretimet e tij në teatër mund të përmendim rolet e tij në dramat ?Bourgeois Wedding? e Bertold Brehtit, ?Me syrin e një klouni? e Heinrich Bëllit, ?Trojanët? e Vasilis Theodoropulosit .

Në kinematografi ai ka luajtur më shumë se 30 role. Roli i i tij i parë ishte ai i inxhinnierit të pyjeve në filmin “Gjurma” në vitin 1970. Më tej do të vazhdonin një sërë rolesh të tjera si roli i Tenente Gruabardhit në filmin “Në fillim te verës” në vitin 1975, roli i Stefan Bardhit në filmin “Mësonjëtorja” në vitin 1979, roli i Petro Nini Luarasit në filmin “Kush vdes në këmbë” në vitin 1984, roli i priftit në filmin “Kthimi i ushtrisë së vdekur” në vitin 1989, roli i prokurorit në filmin “Kolonel Bunker” në vitin 1998, etj.

Për meritat e tij artistike Guljelm Radoja është nderuar me titullin “Artist i Merituar”.

Disa nga rolet e tij më të spikatura janë:

Dashuria s’mjafton 2019 Babai i Albanit

Në kërkim të kujt 2011 serial

Der Albaner (Shqiptari) – 2009

Kronikë provinciale 2009

Njerez dhe Fate – 2001-2003 mini-seri

Unë ti dhe Kasandra – 1999 TV

Dasma e Sakos – 1998 , Sako

Kolonel Bunker – 1998

Dashuria e fundit – 1995

Nekrologji – 1994