web counter
LEXO PA REKLAMA!

SHKARKO APP

App Store
Google Play

E fundit!

x

“E pesta herë që humbin dhe nuk kuptojnë”/ Rama mesazh opozitës

2 Maj 2021, 07:49, Politikë CNA

Kryeministri Edi Rama në një intervistë për të famshmen italiane ?La Republica?, ka folur rreth fitores së 25 Prillit dhe qëndrimit të opozitës pas humbjes.

I pyetur nga gazetari Paolo Brera për fenomenin e shti-blerjes së votave dhe akuzave të opozitës, Rama është përgjigjur: ?Këtë herë kemi pasur katër ose pesë sondazhe dhe ndryshe nga e kaluara, të gjitha ishin në përputhje me rezultatin. ?Piepoli? ia qëlloi tamam, por dhe anketuesit grekë që punuan për Euroneës Albania patën paralajmëruar rezultatin. Raporti paraprak i OSBE-së është pozitiv dhe e gjithë bashkësia ndërkombëtare përmes përfaqësimeve të ndryshme ka ndjekur dhe konfirmuar rregullsinë e zgjedhjeve. Fatkeqësisht, opozita nuk është në gjendje të dalë nga ky qëndrim, që e bën që ajo të humbë zgjedhje pas zgjedhjesh. Janë zgjedhjet e pesta radhazi dhe ata ende nuk arrijnë të kuptojnë: Në vend që të reflektojnë mbi veten e tyre, ata përqendrohen në konfrontim dhe akuza kundër nesh. Dhe përsëri humbin. Sidoqoftë, këto zgjedhje japin një mesazh: kur e majta moderne është e organizuar mirë, është po aq e pamposhtur sa Interi i Mourinhos?, ka thënë Rama për La Republica.

Ndërsa pyetjes nëse do të bashkëpunojë me socialdemokratët e Tom Doshit, i cili është regjistruar në listën e zezë për korrupsion në SHBA, kryeminsitri Rama është shprehur:

?Hera e tretë ishte më e vështira, por është edhe më e bukura. Ne kemi fituar një shumicë absolute, kështu që nuk kemi nevojë për mbështetje. Ndoshta mund të kishim një diferencë më të madhe, por këtë herë Shqipëria votoi me një sistem të ri zgjedhor, me lista dhe preferenca gjysmë të hapura dhe kishte shumë vota të pavlefshme. Shumë njerëz nuk kuptuan se si të votonin, ata na zgjodhën ne si parti, por u dhanë përparësi kandidatëve të tjerë dhe vota iu quajt e pavlefshme?, thotë Rama./ CNA.al





Lajmet e fundit nga