E fundit!

21:59 Politikë

Zgjedhja e strukturave drejtuese të PD-së/ Nis numërimi i votave në selinë blu

Ka nisur procesi i numërimit të votave për zgjedhjen e str...

Kritikët kërkojnë “kokën” e Bashës/ Kreu i PD iu sul armatën e tij

1 Maj 2021, 18:36, Politikë CNA

Të shumtë janë zërat kritikë që kërkojnë largimin e Lulzim Bashës nga drejtimi i PD, pas disfatës së radhës që mori në zgjedhjet e 25 prillit.

Ibsen Elezi, ish-drejtuesi i PD-së së Kukësit ka nisur protestat paqësore para selisë blu, ku me disa mbështetës demokratë kërkojnë zgjedhje brenda partisë, ndërsa thekson se Basha ua ka mohuar demokracinë demokratëve ashtu si Rama ua ka mohuar demokracinë shqiptarëve.

?Nëse duam të vendosim gurin e themelit të demokracisë, atëherë duhet të garantojmë zgjedhje të lira dhe demokratike. Rama ua mohoi atë shqiptarëve.

Luli ua mohon atë demokratëve.

Të zgjidhim krizën në PD me zgjedhje të lira dhe demokratike, lëvizja kyçe për të fituar besimin dhe larguar Ramën. Basha boll! Demokracia nuk vjen nga kafja?, shkruan Elezi.

Edhe ish-nën kryetari i FRPD Lisandër Hoxha ka përdorur të njëjtën retorikë. Hoxha mendon se PD ka nevojë urgjente për reformim për të ardhur në pushtet.

Por, ndërsa zërat kundër Bashës janë shtuar, duket se ky i fundit ka nxjerrë ?armatën? e tij për ta mbrojtur.

Deputeti i zgjedhur i Bashës, Xhelal Mziu ka deklaruar se në 25 prill PD ka fituar, ndërsa kërkon që partia ku ai bën pjesë të vazhdojë përpara me të njëjtin kryetar.

Mziu shpreh mbështetjen për Lulzim Bashën, duke e cilësuar platformën e tij si më të mirën në 30 vitet e fundit.

?Çdo anëtar i PD të qarkut të Dibrës është 100% i gatshëm për të vazhduar betejën me liderin e saj Lulzim Basha deri në rrëzimin e së keqes dhe triumfin e së mirës?, thekson ai.

Edhe Ervin Salianji, i njohur ndryshe si “Babalja” shprehet se Luli i duhet PD-së dhe se sipas tij ata që kërkojnë largimin e Bashës kanë inate dhe interesa personale.

Po ashtu, selitë e PD në disa qarqe të vendit kanë shprehur interes të lartë për të mbajtur Bashën dhe veten e tyre në opozitë, ndonëse humbja ishte e thellë.

Shumë eksponentë të PD kanë marrë porosi dhe kanë nisur sulmet ndaj kujtdo që po kritikon Bashën. Të njëjtën gjë po e bëjnë edhe call centerat e PD që u javë vërsulur personave që kërkojnë largimin e Bashës në rrjetet sociale.

Pas largimit të Sali Berishës nga drejtimi i partisë, PD në çdo proces zgjedhor ka njohur vetëm humbje të njëpasnjëshme. Kujtojmë këtu që në vitin 2015 kur janë mbajtur zgjedhjet vendore, PD ka dalë me humbje, në vitin 2017 në zgjedhjet e përgjithshme Basha ngriti çadrën e famshme në mes të bulevardit, të cilën e braktisi pas marrëveshjes së fshehtë me Ramën, ku edhe pse mori gjysmën e qeverisë sërish humbi në zgjedhje.

Në vitin 2019, kreu i PD pas bojkotit të Parlamentit vendosi të bojkotojë edhe zgjedhjet vendore, duke i dhuruar PS të gjitha bashkitë e vendit. Edhe në zgjedhjet e 25 prillit, pas tetë vitesh në opozitë, Basha sërish nuk arriti ta sjellë PD në pushtet./CNA.al