E fundit!

21:38 Aktualitet

“Rama jepe dorëheqjen”/ Protestuesit marshojnë në rrugët e kryeqytetit

Pas fjalimeve para Kryeministrisë, protestuesit kanë nisur...

Basha e çoi PD nga humbja në humbje/ Gajasi të gjithë me luftën e tij

2 Maj 2021, 07:43, Politikë CNA

Partia Demokratike, forca më e madhe opozitare humbi në zgjedhjet parlamentare të 25 Prillit.

Ajo arriti të siguronte vetëm 59 mandate, duke kryesuar në qarqet, Shkodër, Lezhë, Dibër dhe Kukës.

Kreu i PD Lulzim Basha, ditën e votimeve vlerësoi procesin. Ndërsa drekën e një dite më pas, kur numërimi nxirrte fituese Partinë Socialiste doli dhe tha ?duroni se ende s?janë numëruar kutitë e mira?.

Por, të martën e 27 Prillit, kur numërimi ishte drejt fundit dhe PD-në, shifrat e nxirrnin të humbur, Lulzim Basha doli para selisë së PD, me trupin drejt dhe kokën lart, duke thënë, se beteja sa kishte nisur dhe se madje do të niste luftën.

Të gjithë prisnin, që ai të jepte dorëheqjen nga drejtimi i PD dhe të merrte përgjegjësitë për humbjen, ashtu siç do të ndodhte në një vend demokratik dhe me një udhëheqës partie normal.

Por, Basha foli për luftë e beteja, kur sapo kishte marrë përgjigjen një beteje zgjedhore, përgjigjen e qytetarëve.

Se me kë do të luftonte vetëm ai e dinte. Nga ana tjetër lufta e Bashës e kishte një gjë pozitive se gajasi të gjithë ata që e dëgjuan.

?Ne u bëmë më të fortë. Ne jemi më të vendosur se kurrë. Kushdo që mendon se ne do të dorëzohemi, nuk na njeh mirë! Ne do të vazhdojmë betejën me gjithë fuqinë tonë. Ne do vazhdojmë të luftojmë me gjithçka kemi për demokracinë. Do vazhdojmë të luftojmë deri në fitore?, deklaronte Basha ndërsa kisha humbur.

Kishte zhgënjyer demokratët dhe të gjithë ata që e kishin besuar apo kishin pas edhe një grimcë besim tek ai, ndërkohë deklaronte, ?nuk do t?u zhgënjejmë kurrë. Ne do luftojmë për ju?.

Sa hap e mbyll sytë Basha u shndërrua në njeriun me të cilin talleshin dhe bënin humor në studiot televizive, por edhe jashtë tyre në rrugë e kafene.

Ndërkohë që nga brenda PD nsiën reagime që kërkonin largimin e tij. Reagimet vijojnë duke radhitur humbjet e Bashës në krye të PD, pa anashkaluar këtu shkatërrimin e kësaj force politike.

Si e çoi PD nga humbja në humbje?

Në zgjedhjet e vitit 2013, PD mori 528 373 vota, të cilat prodhuan 50 mandate deputetësh. Për shkak të këtij rezultati, Sali Berisha dha dorëheqjen nga drejtimi i PD dhe mbajti përgjegjësinë për humbjen.

Por, Basha duket se u kujdes që pas asaj humbjeje PD të mos vinte më në pushtet.

Në zgjedhjet e vitit 2017 PD mori të paktën 74 000 vota ose 14 për qind më pak se në vitin 2013. Pra, PD humbi 7 vende në Kuvend.

PS pësoi goditje në të gjitha qarqet, në vitin 2017 dhe kryesoi vetëm në Shkodër e Kukës me nga 1 deputet më shumë se Partia Socialiste. Ndërsa rezultoi parti e tretë në Berat, kokë më kokë me LSI në Gjirokastër dhe barazim me Partinë Socialiste në Dibër dhe Lezhë.

Në zgjedhjet parlamentare, PD hyri në garë, një kohë që kishte djegur mandatet në vitin 2019, kishte lënë pa përfaqësim ata që e kishin votuar dhe si të mos mjaftonte dhuroi edhe pushtetin vendor në tavolinë, po në vitin 2019.

Por ndonëse humbës, Basha ende do të vijojë betejat dhe luftën.

Sot, PD me 59 mandate në Kuvend, i duhet të përballet me një Qeveri të re solide, me një timonier të vetëm, Edi Ramën, i cili duket se sa të ketë Bashën në krye të PD do të ketë të garantuar edhe pushtetin./CNA.al