Dhuna në ndeshjen Laçi-Partizani, arbitri duhet të ndalte lojën

30 Prill 2021, 06:31, Sport CNA

Sfida mes Laçit dhe Partizani dhuroi katër gola dhe një lojë shumë të bukur e të luftuar, por për fat të keq, vëmendjen më të madhe e morën incidentet gjatë gjithë takimit. Sharje gjatë gjithë kohës nga tribuna, por dhe një shishe ujë e hedhur në drejtim të stafit teknik të Partizanit, që qëlloi trajnerin Ilir Bozhiqi. Pas këtij incidenti do të merren masa nga Komisioni i Disiplinës, por gjatë kohës që ndodhi, arbitri Hamitaj duhet të kishte vepruar ndryshe.

HAMITAJ ? Arbitri kryesor i sfidës duhet të paralajmëronte sektorin përkatës në stadium që të pushonin ofendimet. Nëse ofendimet do të vazhdonin, që në Laç qartazi nuk pushuan aspak, Hamitaj duhet të urdhëronte zbrazjen e tribunës dhe të ndalonte lojën për 10 minuta. Nëse tribuna nuk zbrazej, Hamitaj do të duhej të urdhëronte ndërprerjen e ndeshjes. Këto hapa, i parashikon Neni 65 në rregullore.

NENI 65 ? ?Përgjegjësia për sjelljen e spektatorëve?. Pika 5: Në rastin e ofendimeve në grup, me karakter politik, racial, fetar a gjinor gjatë zhvillimit të një ndeshje, arbitri i ndeshjes do të zbatojë hapat në vijim: a. paralajmërim i sektorit përkatës në stadium nga vijnë ofendimet, për të pushuar lëshimin e ofendimeve; b. nëse ofendimet vazhdojnë, do të urdhërojë zbrazjen e sektorit përkatës nga spektatorët duke pritur 10 (dhjetë) minuta. c. në rast të moszbrazjes së sektorit përkatës nga spektatorët, urdhëron ndërprerjen e ndeshjes.

VENDIMI ? Hamitaj gaboi që nuk i ndoqi hapat e lartpërmendur në pikën 5 të nenit 65. Nëse kryesori i sfidës do të ndiqte të gjitha pikat e rregullores dhe në rast se as pika C nuk do të jepte rezultat, atëherë pika 6 e këtij neni, parashikon se ndeshja humbet në tavolinë nga Laçi, me rezultatin 3-0. Pika 6: ?Rastet e parashikuara në pikën 5 (c) të këtij neni dënohen me humbje të ndeshjes në tavolinë me rezultatin 3-0 (tre me zero) në dëm të personit juridik, shoqatës ose klubit të cilit i përkasin spektatorët?. Nuk dihet ende arsyeja pse Hamitaj nuk veproi sipas rregullores, pasi u godit një zyrtar i klubit mik dhe ofendimet, ishin prezente gjatë gjithë 90 minutave.