web counter
LEXO PA REKLAMA!

SHKARKO APP

App Store
Google Play

E fundit!

x

De Brujn zbulon fjalët drejt Mahrez në golin e dytë të Sitit

29 Prill 2021, 11:48, Sport CNA

Mançester Siti me një përmbysje të madhe mori një fitore shumë domethënëse (1-2) në gjysmëfinalen e parë të Ligës së Kampionëve në transfertë ndaj PSG. Qytetarët e mbyllën pjesën e parë në disavantazh, por në fraksionin e dytë të besuarit e trajnerit Pep Guardiola shfaqën versionin e tyre më të mirë. Kështu, fillimisht barazuan me anë të De Brujne dhe më pas erdhi edhe goli nga Rijad Mahrez.

Algjeriani ekzekutoi saktësisht një goditje dënimi duke mos i dhënë shans portierit Kejlor Navas, ndërkohë që pas ndeshjes, De Brujne ka treguar një prapaskenë për golin. Belgu zbulon se Mahrez i kërkoi atij të godiste ndërsa fantazisti i hapi rrugë pa shumë problem.

?Më kërkoi ta bënte ai atë goditje dënimi. I thashë se nëse besonte në vetvete, atëherë kush isha unë që ta ndalonte? Gjithçka shkoi mirë dhe ai shënoi. Gjatë ndeshjes e dinim që do të kishte momente ku do të vuanim. Mendoj se ne i filluam mirë 10 minutat e para, ata kualitete shumë në ofensivë. Ishte për të ardhur keq që pësuam gol në atë mënyrë.

Por, pas 25 minutave të para ndryshuam mënyrën e presionit, kishim mundësi dhe në pjesën e dytë ishim shumë më mirë. I vendosëm në presion dhe në golin e parë ishim me pak fat, por luajtëm një futboll shumë të mirë në pjesën e dytë?, u shpreh De Brujne.





Lajmet e fundit nga