E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Skandali në Laç, Muça: Një nga arsyet pse u shkëputa nga ky profesion

29 Prill 2021, 07:05, Sport CNA

Shkëlqim Muça ka dënuar ashpër dhunën e ushtruar në Laç, si verbalisht, ashtu edhe fizikisht në ndeshjen kundër Partizanit. Sipas ish-futbollistit e trajnerit të shquar, ajo që ka ndodhur në Laç ishte e turpshme, pasi bëhej fjalë për vitin 2021 e gjëra të tilla duhej të ishin harruar. Ai zbuloi në ?Rubrika Sportive? se situata të tilla e kishin shtyrë të largohej nga profesioni i trajnerit.

?E dhimbshme është kur dhuna vjen nga tribuna. Është shumë e vështirë, është një nga arsyet pse unë jam shkëputur nga kjo punë, ofendimet, presioni verbal, të gjitha. Ka njerëz të cilët nuk e përballojnë dot, është fyese e ofenduese kur 90 minuta nuk del nga bankina për të dhënë detyrat. Përveçse të ofendojnë, edhe të godasin, është shumë e rëndë dhe kur vjen nga tribuna.

Të mendosh tani që pas kaq e kaq viteve jemi prapë në të njëtën situatë,është e dhimbshme. Kjo na ka ndodhur në 2000-2002, por tani në 2021 të ketë prapë të tilla dhe pa tifozë e të vijë dhuna nga shkallët, ku rrinë personalitetet?

Unë flas për atë që dëgjoj nga ekrani, më shumë kemi dëgjuar se kemi parë se kamerat janë në tribunë. Nga ajo që dëgjoja gjatë ndeshjes, ishte e vështirë. Pozicioni që ka qenë Daja sot ishte jokomod fare, vjen momenti që nuk mendon fare për ndeshjen, nuk dua të di farë si del ndeshja.

Ta linte Partizani ndeshjen nuk e pranonte njeri, binte te provokimi. Delegati duhej të merrte vendnim, hapte listat, se me protokollet në këto ndeshje çdo klub duhet të dërgojë lista. Ai nëse thotë janë 20, unë nuk e filloj ndeshjen po nuk u boshatis tribuna. Janë gjëra që kanë të bëjnë me organizimin. Ne kemi parë tribuna që janë plot, në Ballsh, Laç, gjithandej. Ose do mbahet rregull, të luhet futboll, pandemi për të gjithë? Tani nga tribunat çfarë nuk dëgjojmë, është e turpshme që në 2021 të dëgjosh këto. Janë ekipe që vijnë komode e luajnë në Tiranë e Shkodër, e shkon atje të kesh dhunë. Nuk është garë, është shumë fyese. Unë e pashë Dajën sot pas ndeshjes. Të gjithë këto ofendime të lënë shenjë, nuk janë kushte të barabarta?, tha Muça në fjalët e tij.