web counter
LEXO PA REKLAMA!

SHKARKO APP

App Store
Google Play

E fundit!

x

Teuta merr kreun, në "valle" dhe Tirana/ Ja renditja e re e Superiores pas javës së 30-të

28 Prill 2021, 16:28, Sport CNA

Janë mbyllur 5 sfidat e javës së 30-të të Superligës shqiptare, teksa kampionati sa vjen dhe bëhet më i luftuar dhe më enigmatik. Me fitoren ndaj Kukësit, Teuta rimerr kryesimin e kampionatit në kuotën e 55 pikëve, 1 më shumë se Partizani i vendit të dytë.

Vllaznisë i kushton shtrenjtë humbja me Tiranën, teksa zbret në vendin e tretë në kuotën e 53 pikëve. Laçi dhe pse doli me 1 pikë nga ndeshja me Partizanin, ruan vendin e katërt duke ngushtuar me vetëm 3 pikë diferencën ndaj Vllaznisë.

Tirana pas dy fitoreve radhazi ndaj Teutës dhe Vllaznisë fiton ndjeshëm terren duke u renditur në vendin e 5-të me 6 pikë diferencë nga kryesuesja Teuta, dhe 4 pikë larg Vllaznisë së vendit të 3-të, vend që të siguron pjesëmarrjen në kupat e Europës.

Kukësi dhe Kastrioti mbeten në vendet 6 dhe 7 me 5 pikë diferencë nga njëra tjera, ndërkohë që fitorja e Skënderbeut me rivalin për mbijetesë Bylisin,  i afron korçaret 3 pikë larg ballshiotëve. Apolonia mbyll renditjen e tabelës, duke u pozicionuar në vendin e 10-të në kuotën e 20 pikëve.





Lajmet e fundit nga