web counter
LEXO PA REKLAMA!

SHKARKO APP

App Store
Google Play

E fundit!

x

Milani pranë rekordit të "zi", mund të hyjë në histori si “kampioni” më dështak

28 Prill 2021, 07:15, Sport CNA

Milani i Stefano Piolit për shumë muaj bëri tifozët kuqezinj që të ëndërronin se më në fund kishte ardhur koha e tyre të gëzonin. Por në dy muajt e fundit, thuajse gjithçka po shpërbëhet në mënyrën më të keqe të mundshme. Skuadra që argëtontëe me lojën e saj e merrte rezultate, duket sikur nuk ekziston më dhe nuk ka as forcën fizike për të përballuar kundërshtarët pikërisht në momentin vendimtar të sezonit.

Milani që ishte kryesues, tani po lufton për të qenë në zonën Champions dhe mes atyre që konkurrojnë për një vend të tillë, duket si ekipi në formën më të keqe. Pasi vendosën disa rekorde në pjesën e sezonit kur dominonin, Ibra & Co. mund të regjistrojnë një shumë të padëshiruar.

Që nga sezoni 1995-1996, kur u vendos rregulli i tre pikëve për fitore, kush ka mbyllur fazën e parë në vendin e parë ne renditje, ka mbërritur në fund minimumi në vendin e tretë, në mbyllje të edicionit. Në fakt, pjesën më të madhe të kohës skuadrat kanë dalë kampione apo nënkampione dhe vetëm Fiorentina e Trapatonit 1998-99 dhe Milani i Ançelotit në 2002-03, dolën të tretët.

Ndërsa Milani, nëse kampionati mbyllet me situatën aktuale, do ta shihte veten në vendin e 5-të, jashtë Ligës ëë Kampioneve që është objektivi kryesor sezonal, e sigurisht me një rekord të ri negativ për ?kampionin e dimrit?. Për Milanin sigurisht që do të ishte një dështim kolosal, sidomos po të mendosh se në 17 sezonet e fundit, skuadra që ka qenë ?kampione dimri? ka fituar 15 herë titullin kampion.





Lajmet e fundit nga