Daja para Laçit: Fushë e nxehtë brenda rregullores së futbollit, duhet të jemi të bashkuar

27 Prill 2021, 09:34, Sport CNA

Partizani luan ditën e nesërme në transfertë ndaj Laçit, teksa të kuqtë kanë një provë të madhe për titullin përballë një tjetër ekipi që e pretendon triumfin në kampionat. Në konferencë për shtyp, trajneri i të kuqve, Ilir Daja thekson se në Laç i pret një fushë e ?nxehtë? brenda rregullores së futbollit, ndërsa shton se ekipi duhet të jetë i bashkuar.

?E dimë se është një transfertë e vështirë. Është një fushë e nxehtë brenda rregullores së futbollit. Nesër nuk duhet të bëjmë as më pak dhe as më shumë, se ndeshja e Kupës, ku në pjesën e madhe doiminuam ndeshjen. Kjo është mënyra e vetme për të shkuar te fitorja. Duhet të jemi grup në të dyja fazat e lojës. Nuk mund t?ia kalojmë ngarkesën një reparti, pasi do ishte vetvrasje. Duhet të jemi të bashkuar në mbrojtje dhe në sulm.

Siç kemi pasur në vështirësi, ashtu kja pasur edhe Laçit. Ata fituan më 30 dhjetor, në një datë që kurrë nuk është luajtur në kampionatin shqiptar. Ne kemi biseduar me ekipin dhe drejtuam lojën. Të mos humbin ekuilibrat në lojë. 3 fazat e para kanë qenë një maratonë për ne, për shkak të ngjeshjes së ndeshjeve. Këtë fazë e quajmë me stafeta. Shkojmë në Laç për të marrë fitoren, do djersisim për 3 pikët, por luajmë vetëm për fitore.

Ne kemi pasur vetëm një ngërç, me golat e shënuar jemi ekipi më i mirë. Ka qenë një shpërndarje e golave në lojtarë të ndryshëm. Na vjen mirë që edhe Zhunior po ecën, pavarësisht se nuk është në rolin e tij. Tani që i afrohemi fundit nuk duhet të ndryshojmë shumë nga ekipi fitues. Ka disa gjëar që më shqetësojnë, por nuk mund t?i them. Potenciali që ka grupi, duhet të na japë forcë. Të japin maksimumin për të arritur objektivat. Duhet të bëjmë atë që kemi bërë. Kemi qenë mirë edhe me lojë. Në disa ndeshje mund të jemi edhe më shumë cinikë. Në këtë moment pikët janë shumë të rëndësishme?

?Fitorja e Tiranës me Vllazninë? Ne duhet të bëjmë detyrën tonë. Nëse nuk e bëjmë, atëherë nuk na intereson si dalin rezultatet. E rëndësishme është të bëjmë pjesën tonë, atë qe duhet, për të parë më pas se si dalin ndeshjet e tjera këtë javë?, u shpreh Daja.